აჭარის ავტონომიური რესპუბლიკის განათლების, კულტურისა და სპორტის სამინისტრო

პროექტი - „ფორმა და სივრცე. სოციალურ-კულტურული უსაზღვროება“

07 ოქტომბერი, 2020

პროექტი „ფორმა და სივრცე. სოციალურ-კულტურული უსაზღვროება“ აჭარის განათლების, კულტურისა და სპორტის სამინისტროს მიერ გამოცხადებული თავისუფალი პროექტების მხარდაჭერის კონკურსის ერთ-ერთი გამარჯვებულია.  
პროექტში ჩართული არიან ბათუმის ხელოვნების სასწავლო უნივერსიტეტის სტუდენტები,   შეზღუდული შესაძლებლობების მქონე მოსწავლეები (მათ შორის, მცირემხედველები და უსინათლოები) თბილისის სახელმწიფო სამხატვრო აკადემიის სტუდენტები და პედაგოგები, რომლებმაც შექმნეს სახვითი და გამოყენებითი ხელოვნების ნამუშევრები და ინსტალაციები. 
„ბათუმის თანამედროვე ხელოვნების სივრცის“   ფეისბუქ გვერდზე, გამოფენის ნახვის საშუალება დისტაციურ რეჟიმში აქვთ მსურველებს. მოგვიანებით კი გამოფენა თბილისის სამხატვრო აკადემიაში გაგრძელდება. საბოლოოდ, ნამუშევრები გადაეცემა ბათუმის ხელოვნების სასწავლო უნივერსიტეტს, სადაც გამოიფინება და ნებისმიერ მსურველს ექნება მათი ნახვის შესაძლებლობა.
პროექტის მიზანია სახვითი, სამუსიკო, სათეატრო შემოქმედების ინოვაციური მეთოდებით, ფორმებითა და საშუალებებით ტრადიციული და თანამედროვე ხელოვნების ურთიერთსაკომუნიკაციო პლატფორმის ინკლუზიური მოდელის (შეზღუდული შესაძლებლობების მქონე და ტიპური განვითარების ადამიანების ინტეგრირებული  შემოქმედებითი სივრცის) შექმნა.
პროექტის ფარგლებში შედგა ონლაინ შეხვედრა, რომელშიც აჭარის განათლების, კულტურისა და სპორტის  მინისტრის მოადგილე, აკაკი ძნელაძე, თბილისის სამხატვრო აკადემიის რექტორი, გიორგი გუგუშვილი, პროექტის  ორგანიზატორები მონაწილეობდნენ. მათ ურთიერთთანამშრომლობის სამომავლო გეგმებზე ისაუბრეს.
აჭარის განათლების, კულტურისა და სპორტის სამინისტროს ერთ-ერთი მნიშვნელოვანი პრიორიტეტია ხელი შეუწყოს შეზღუდული შესაძლებლობის მქონე პირთა შემოქმედებითი უნარების განვითარებას, მათი შესაძლებლობების მაქსიმალურ გამოვლენას და საზოგადოებაში მათ ეფექტურ ჩართვას.
პროექტის ორგანიზატორები არიან: თბილისის სახელმწიფო სამხატვრო აკადემია, საქართველოს კულტურის აკადემია, ბათუმის ხელოვნების სასწავლო უნივერსიტეტი, ხელოვნების ცენტრი „ფოლიანტი“.

იხილეთ გალერეა


კალენდარი

<<
<ოქტომბერი 2020>
>>
ორშ.სამშ.ოთხშ.ხუთშ.პარ.შაბ.კვ.
402829301234
41567891011
4212131415161718
4319202122232425
442627282930311
452345678

ცხელი ხაზი

+995 (422) 24-53-86

სოციალური ქსელები