აჭარის ავტონომიური რესპუბლიკის განათლების, კულტურისა და სპორტის სამინისტრო

სამინისტროს დაფინანსებით სეზონური სკოლა გაიხსნა

19 ნოემბერი, 2020

აჭარის ავტონომიური რესპუბლიკის განათლების, კულტურისა და სპორტის სამინისტროს დაფინანსებითა და  ბათუმის შოთა რუსთაველის სახელმწიფო უნივერსიტეტის ორგანიზებით 19-27 ნოემბერს ჩატარდება სეზონური სკოლა სახელწოდებით „სკოლამდელი განათლების საბაკალავრო საგანმანათლებლო პროგრამის სასწავლო და პრაქტიკული კომპონენტების განვითარება.

პროექტის მიზანია სეზონური სკოლის ორგანიზების გზით ხელი შეუწყოს საქართველოს სახელმწიფო უნივერსიტეტებში სკოლამდელი განათლების საბაკალავრო საგანმანათლებლო პროგრამების შინაარსობრივ და მეთოდოლოგიურ განვითარებას.

სეზონური სკოლის შედეგად საქართველოს ცხრა უმაღლესი საგანმანათლებლო დაწესებულება შინაარსობრივად განავითარებს საგანმანათლებლო პროგრამით გათვალისწინებულ რამდენიმე ძირითად დარგობრივ სასწავლო კურსს, მათ შორის კურსის თემატიკის, სწავლა-სწავლებისა და შეფასების მეთოდების, სასწავლო რესურსების მიმართულებით და შექმნის სკოლამდელი განათლების საბაკალავრო საგანმანათლებლო პროგრამით გათვალისწინებული პრაქტიკის ორგანიზების გზამკვლევს.

უმაღლესი განათლების ხელშეწყობის პროგრამის სეზონური სკოლის მოწყობის კომპონენტის ფარგლებში მიმდინარე წელს ასევე, ჩატარდა ერთი  სეზონური სკოლა დიგიტალურ ჰუმანიტარიაში, რომლის თემა გახლდათ ციფრული რუსთველოლოგია. ხოლო კონფერენციის ორგანიზების ფარგლებში ჩატარდა ორი კონფერენცია "ეროვნული ლიტერატურა თარგმანში" და „ფოლკლორული და სასულიერო მუსიკის პრობლემები“.

იხილეთ გალერეა


კალენდარი

<<
<იანვარი 2021>
>>
ორშ.სამშ.ოთხშ.ხუთშ.პარ.შაბ.კვ.
5328293031123
0145678910
0211121314151617
0318192021222324
0425262728293031
051234567

ცხელი ხაზი

+995 (422) 24-53-86

სოციალური ქსელები