ჩხავერის რთველი ქედის მუნიციპალიტეტში

29 ნოემბერი, 2020

ქედაში ყურძნის უნიკალური ჯიშის, ჩხავერის რთველი მიმდინარეობს. წელს ქედის მუნიციპალიტეტში ჩხავერის ყურძნის 200 ტონამდე მოსავალს ელოდებიან. ქედის მუნიციპალიტეტის სოფელი ვაიოში ოთარ ლორთქიფანიძის ვენახში, აჭარის მთავრობის თავმჯდომარემ თორნიკე რიჟვაძემ სოფლის მეურნეობის მინისტრთან, გიორგი სურმანიძესთან ერთად ჩხავერის რთველში მიიღო მონაწილეობა.

მევენახე ფერმერს ჩხავერის ჯიში 2000 კვ.მ. ფართობზე აქვს გაშენებული. აჭარაში ვენახის საერთო ფართობი 180 ჰექტარს შეადგენს, მათ შორის ქედის მუნიციპალიტეტში - 82 ჰექტარს, აქედან ჩხავერით დაკავებულია 20 ჰა ფართობი. მიმდინარე წელს, აჭარის სოფლის მეურნეობის სამინისტროს ქვეპროგრამის ,,მაღალექექტური მრავალწლიანი სასოფლო-სამეურნეო კულტურების წარმოების განვითარების ხელშეწყობის’’ ფარგლებში 4.5 ჰა ფართობზე 30 ბენეფიციარი გააშენებს 10 000 ძირი ცოლიკაურისა და ჩხავერის ჯიშის ვაზის ბაღებს.

იხილეთ გალერეა