აჭარის ავტონომიური რესპუბლიკის განათლების, კულტურისა და სპორტის სამინისტრო

სულიკო ჟღენტის სახელობის კინომუზეუმი

26 ივლისი, 2021

2020 წლის 22 ივნისს, გამოჩენილი ქართველი კინოდრამატურგის დაბადებიდან 95 წლის იუბილესთან დაკავშირებულ ღონისძიებაზე გაცხადდა აჭარის მთავრობის გადაწყვეტილება სულიკო ჟღენტის კინომუზეუმის გახსნის შესახებ, ინიციატივა მხარდაჭერილი იქნა საქართველოს პრეზიდენტის ქალბატონი სალომე ზურაბიშვილის მიერ.
ბათუმში, ხულოს ქუჩაზე მუზეუმის პროექტის პრეზენტაცია გაიმართა, რომელსაც საქართველოს პრეზიდენტი ქალბატონი სალომე ზურაბიშვილი, აჭარის განათლების, კულტურისა და სპორტის მინისტრი მაია ხაჯიშვილი, ქ.ბათუმის მერის მოვალეობის შემსრულებელი არჩილ ჩიქოვანი, საკანონმდებლო და აღმასრულებელი ხელისუფლების, საზოგადოების სხვა წარმომადგენლები ესწრებოდნენ.
მუზეუმში ასახული იქნება ქართული კინოს ისტორია და თანამედროვე კინოხელოვნების განვითარების ტენდენციები. შეიქმნება მნიშვნელოვანი კულტურულ-საგანმანათლებლო კერა.
სულიკო ჟღენტის კინომუზეუმის პროექტისა და კონცეფციის ავტორები არიან ოლიკო და ქეთევან ჟღენტები.
მუზეუმის მოწყობის სამუშაოები დაიწყება მიმდინარე წელს, პროექტი ფინანსდება აჭარის რესპუბლიკური ბიუჯეტიდან.

იხილეთ გალერეა


კალენდარი

<<
<ნოემბერი 2021>
>>
ორშ.სამშ.ოთხშ.ხუთშ.პარ.შაბ.კვ.
441234567
45891011121314
4615161718192021
4722232425262728
48293012345
496789101112

ცხელი ხაზი

+995 (422) 24-53-86

სოციალური ქსელები