აჭარის ავტონომიური რესპუბლიკის განათლების, კულტურისა და სპორტის სამინისტრო

აჭარაში 1000-ზე მეტ სტუდენტს სწავლის გადასახადი დაუფინანსდება

13 აპრილი, 2022

თორნიკე რიჟვაძემ სტუდენტებს აჭარის მთავრობის გადაწყვეტილება გააცნო, რომელიც 1000-ზე მეტი სტუდენტის სწავლის დაფინანსებას გულისხმობს.
აჭარის მთავრობის თავმჯდომარე თორნიკე რიჟვაძე სტუდენტებს შეხვდა და მათ აჭარის მთავრობის გადაწყვეტილების შესახებ ესაუბრა, რაც 1000-ზე მეტი სტუდენტისთვის სწავლის საფასურის დაფინანსებას გულისხმობს.
პანდემიით გამოწვეული უარყოფითი გავლენების შემცირების უზრუნველსაყოფად, აჭარის მთავრობის ფინანსური მხარდაჭერით, 1000-ზე მეტ სტუდენტს სწავლის საფასური დაუფინანსდება. სტუდენტებს, რომელთაც მოცემული მომენტისთვის აქვთ დავალიანება და მათი სოციალური ქულა 150 000-მდეა, გადასახადი დაუფინანსდებათ. ბიუჯეტიდან 800 ათასი ლარი გამოიყოფა.
აჭარის განათლების, კულტურის და სპორტის სამინისტრო, აჭარის მთავრობის ხელშეწყობით, სტუდენტთა დახმარების არა ერთ პროგრამას ახორციელებს. აჭარაში მოქმედებს სტუდენტთა დახმარების და სტუდენტთან საზღვარგარეთ სწავლის პროგრამები. სტუდენტთან დახმარების პროგრამის ბიუჯეტი ყოველწლიურად მზარდია. 2022 წელს პროგრამის ბიუჯეტი 1,5 მლნ ლარს შეადგენს. სტუდენტთა დახმარების პროგრამის ფარგლებში, რომელიც 2012 წლიდან ხორციელდება, სწავლა უფინანსდებათ სხვადასხვა სტატუსის მქონდე სტუდენტებს. 2022 წელს, სტუდენტთა ხელშეწყობის მიზნით აჭარაში 3 მილიონი ლარია გამოყოფილი.
შეხვედრას აჭარის განათლების, კულტურის და სპორტის მინისტრი მაია ხაჯიშვილი, აჭარის უმაღლესი საბჭოს განათლების, მეცნიერების, კულტურისა და სპორტის საკითხთა კომიტეტის თავმჯდომარე დავით ბაციკაძე, უმაღლესი სასწავლებლების რექტორები და სტუდენტები ესწრებოდნენ.

იხილეთ გალერეა


კალენდარი

<<
<მაისი 2022>
>>
ორშ.სამშ.ოთხშ.ხუთშ.პარ.შაბ.კვ.
172526272829301
182345678
199101112131415
2016171819202122
2123242526272829
22303112345

ცხელი ხაზი

+995 (422) 24-53-86

სოციალური ქსელები