აჭარის ავტონომიური რესპუბლიკის ჯანმრთელობის და სოციალური დაცვის სამინისტრო

ნინო ნიჟარაძესა და გაეროს ბავშვთა ფონდის წარმომადგენელ, ღასან ხალილს შორის სამუშაო შეხვედრა გაიმართა

02 ივნისი, 2022

სამიზნე ჯგუფში ტყვიის ექსპოზიციის კვლევასთან დაკავშირებით აჭარის ა.რ. ჯანმრთელობისა და სოციალური დაცვის მინისტრ, ნინო ნიჟარაძესა და გაეროს ბავშვთა ფონდის წარმომადგენელ, ღასან ხალილს შორის სამუშაო შეხვედრა გაიმართა.

შეხვედრაზე მხარეებმა განიხილეს ტყვიის კვლევისა და პრევენციის სახელმწიფო პროგრამები და შედეგები. აჭარის საზოგადოებრივი ჯანდაცვის ცენტრი 2020 წლიდან ახორციელებს პროგრამას, რომლის ფარგლებში კვლევა უტარდება ანტენატალური მეთვალყურეობის კომპონენტით მოსარგებლე ორსულებს, აგრეთვე ლაქტაციის პერიოდში მყოფ ქალებს და 8-14 წლის ბავშვებს. პროგრამის ფარგლებში წლის განმავლობაში სკრინინგი ჩაუტარდება 4500 ქალს და 3800 ბავშვს.

გასული 5 თვის განმავლობაში პროგრამით ისარგებლა 7 364-მა ბენეფიციარმა. გამოკვლეული ქალების 54%-ში გამოვლინდა სისხლში ტყვიის დონე ≥5 მკგ/დლ, ხოლო ბავშვების 39%-ში გამოვლინდა სისხლში ტყვიის დონე ≥5 მკგ/დლ.

აჭარაში ასევე მიმდინარეობს აუზებში ტყვიის შესაძლო წყაროების კვლევა. პროექტი საქართველოს მთავრობის ინიციატივით, ისრაელის საელჩოს მხარდაჭერითა და გაეროს ბავშვთა ფონდის ორგანიზებით ხორციელდება.

იხილეთ გალერეა


კალენდარი

<<
<ივლისი 2022>
>>
ორშ.სამშ.ოთხშ.ხუთშ.პარ.შაბ.კვ.
2627282930123
2745678910
2811121314151617
2918192021222324
3025262728293031
311234567

ცხელი ხაზი

+995 (422) 24-79-72

სოციალური ქსელები