მინისტრმა ანსამბლ "მხედრულ 2"-ს წარმატება მიულოცა
08 ივლისი, 2022
აჭარის განათლების, კულტურისა და სპორტის მინისტრი მაია ხაჯიშვილი, ქობულეთის მუნიციპალიტეტის ხელმძღვანელ პირებთან ერთად ანსამბლ "მხედრული 2"-ის წევრებს შეხვდა და ბულგარეთში გამართულ საერთაშორისო ფესტივალზე მიღწეული წარმატება მიულოცა.
აჭარის განათლების, კულტურისა და სპორტის სამინისტროს ფინანსური მხარდაჭერით, გურამ თამაზაშვილის სახელობის სიმღერისა და ცეკვის ანსამბლ მხედრულთან არსებული ქორეოგრაფიული ანსამბლი „მხედრული - 2“ ბულგარეთის ქალაქ ნესებრი - პამორიეში ფოლკლორის ევროპის მე-14 საერთაშორისო კონკურსში მონაწილეობდა.
საერთაშორისო ფესტივალში 20 ქვეყნის ანსამბლი მონაწილეობდა.
ანსამბლმა თავი გამოიჩინა თავისი საშემსრულებლო და სასცენო არტისტიზმით.
„მხედრული - 2" გახდა ევროპის აბსოლუტური ფოლკლორის ჩემპიონი, გრან-პრისა და გრანტის მფლობელი, ასევე I ადგილისა და ლაურეატის წოდების მფლობელი.
იხილეთ გალერეა