აჭარის მთავრობის თავმჯდომარე თორნიკე რიჟვაძემ, აჭარის განათლების, კულტურისა და სპორტის მინისტრ მაია ხაჯიშვილთან და ხელვაჩაურის მუნიციპალიტეტის მერთან ზაზა დიასამიძესთან ერთად, სოფელ ქედქედში ახალი სკოლა გახსნა და მოსწავლეებს სასწავლო წლის დაწყება მიულოცა. ქედქედის სკოლა სრულად ადაპტირებულია და გათვალისწინებულია სახანძრო უსაფრთხოების მოთხოვნები. სკოლა 180 მოსწავლეზეა გათვლილი. საჯარო სკოლის მშენებლობისთვის 1 700 000 ლარი დაიხარჯა.

მინისტრმა და მერმა ასევე აგარის დაწყებითი სკოლა მოინახულეს, სადაც 17 მოსწავლე სწავლას სრულიად რეაბილიტირებულ გარემოში დაიწყებს. 

აჭარაში აშენდა 4 ახალი საჯარო სკოლა, სრული და ნაწილობრივი რეაბილიტაცია კი 28 სკოლას ჩაუტარდა. ყველა სკოლა უზრუნველყოფილია შესაბამისი სახელმძღვანელოებით.