აჭარის ავტონომიური რესპუბლიკის ტურიზმისა და კურორტების დეპარტამენტი

ლატვიის სამოგზაურო ტელეშოუ “We are coming to you” აჭარაზე გადაცემას ამზადებს

10 ოქტომბერი, 2022

ლატვიის სამოგზაურო ტელეშოუ “We are coming to you” აჭარაზე გადაცემას ამზადებს. პოპულარული შოუს ეთერში აქცენტი ბათუმის, როგორც საზღვაო და სამთო ტურისტული პროდუქტებით მრავალფეროვან ქალაქზე კეთდება. გადამღები ჯგუფის ობიექტივში ბათუმის ტურისტულ ღირსშესანიშნაობებსა და ინფრასტრუქტურასთან ერთად გონიოს ციხე, ბოტანიკური ბაღი და მთიანი აჭარა მოხვდა.  გადაცემა ლატვიის ცენტრალურ არხზე ოქტომბერში გავა და მას ასიათასობით მაყურებელი იხილავს. ლატვიის სამოგზაურო ტელეშოუ რეგიონს აჭარის ტურიზმის დეპარტამენტის მოწვევით სტუმრობდა.

ლატვია აჭარისთვის ერთ-ერთი საინტერესო ტურისტული ბაზარია. რიგადან აჭარას სტუმრობდა წამყვანი მედიასაშუალებების ჟურნალისტები, რომლებმა რეგიონის ძირითადი ტურისტული ღირსშესანიშნაობების, მთისა და ზღვის ტურისტული მიმართულებების შესახებ სტატიებ და სიუჟეტები გამოაქვეყნეს. წელს, პირველად ბათუმის მიმართულებით პირდაპირი ფრენები განხორციელდა რიგადან, სადაც აჭარის ტურისტული პოტენციალის რეკლამა აქტიურად მიმდინარეობდა. გარდა ამისა, გვიან გაზაფხულზე ბათუმს ლატვიის მსხვილი ტურისტული კომპანიების წარმომადგენლებიც სტუმრობდნენ, რომელთა მიერ შემუშავებულმა ტურისტულმა პაკეტებმა ხელი შეუწყო აჭარაში ლატვიელი ტურისტების შემოყვანას.

იხილეთ გალერეა


კალენდარი

<<
<ნოემბერი 2022>
>>
ორშ.სამშ.ოთხშ.ხუთშ.პარ.შაბ.კვ.
4431123456
4578910111213
4614151617181920
4721222324252627
482829301234
49567891011

ცხელი ხაზი

577 90 90 93 (ტურისტებისთვის)

სოციალური ქსელები