აჭარის ავტონომიური რესპუბლიკის ჯანმრთელობის და სოციალური დაცვის სამინისტრო

აფხაზეთიდან დევნილ ლიდა ქვაჩახიას 100 წლის იუბილე მიულოცეს

16 დეკემბერი, 2022

უხუცეს ქალბატონს საიუბილეო თარიღი აჭარის ჯანდაცვის მინისტრის მოადგილემ, ედუარდ ნაკშიძემ და დევნილთა საქმეების დეპარტამენტის ხელმძღვანელმა, ბადრი კობალაძემ მიულოცეს.

,,სამინისტროს სახელით, ქალბატონ ლიდას ვულოცავთ დაბადებიდან 100 წლის შესრულებას და ვუსურვებთ ჯანმრთელობას და ხანგრძლივ სიცოცხლეს. სამინისტროს პროგრამის ფარგლებში იუბილარს გადავეცით ფულადი საჩუქარი ათასი ლარის ოდენობით. პროგრამით მიმდინარე წელს, აჭარაში მცხოვრებმა 100 წელს გადაცილებულმა 53 მოქალაქემ ისარგებლა“ - აღნიშნა მინისტრის მოადგილემ ედუარდ ნაკაშიძემ.

ლიდა ქვაჩახია პროფესიით მედდაა და წლების განმავლობაში სოხუმის საავადმყოფოში ეწეოდა პროფესიულ საქმიანობას. 29 წელია, რაც ბათუმში ოჯახთან ერთად ცხოვრობს.

სამინისტროს 100 წელს გადაცილებული მოქალაქეების ერთჯერადი დახმარების პროგრამა მომდევნო წელსაც გაგრძელდება. სსიპ სოციალური მომსახურების სააგენტოდან მოწოდებული ინფორმაციით, ბენეფიციართა რაოდენობა 65-ს შეადგენს, შესაბამისად ბიუჯეტი 65 000 ლარით განისაზღვრა.

ამ დროისთვის, აჭარის რეგიონში ყველაზე უხუცესი ორი მოქალაქეა. 108 წლის ქალბატონები ქობულეთისა და შუახევის მუნიციპალიტეტების მაცხოვრებლები არიან.

იხილეთ გალერეა


კალენდარი

<<
<თებერვალი 2023>
>>
ორშ.სამშ.ოთხშ.ხუთშ.პარ.შაბ.კვ.
05303112345
066789101112
0713141516171819
0820212223242526
09272812345
106789101112

ცხელი ხაზი

+995 (422) 24-79-72

სოციალური ქსელები