აჭარის ჯანმრთელობისა და სოციალური დაცვის სამინისტრომ ახალი პროგრამა - ,,უშვილობის დიაგნოსტიკა და მკურნალობა“ გასულ წელს დანერგა. პროგრამა წარმატებით გრძელდება მიმდინარე წელსაც. 2023 წლიდან:

  გაიზარდა პროგრამის ბიუჯეტი და 700 000 ლარს შეადგენს;

  გაიზარდა დასაფინანსებლად ბენეფიციართა სარეიტინგო ქულა 300 000-მდე.

უშვილო წყვილების სამედიცინო მომსახურება ფინანსდება  80%, 90% და 100%-ით.

  პროგრამის მიზანია დამხმარე რეპროდუქციული ტექნოლოგიების გზით, უშვილო წყვილებისათვის სამედიცინო სერვისების დაფინანსება, აღნიშნულ სერვისზე ხელმისაწვდომობის გაზრდა და დემოგრაფიული მაჩვენებლის გაუმჯობესების ხელშეწყობა.

  პროგრამით სარგებლობენ აჭარის ტერიტორიაზე რეგისტრირებული 300 000-მდე სარეიტინგო ქულის მქონე, სოციალურად დაუცველი და შეზღუდული შესაძლებლობის სტატუსის მქონე, არანაკლებ ერთი წლის განმავლობაში კანონიერ ქორწინებაში მყოფი უშვილო წყვილი, რომელთაც ესაჭიროებათ შესაბამისი რეპროდუქციული სამედიცინო დახმარება.

  გასულ წელს პროგრამის ფარგლებში გაიცა 89 ვაუჩერი.