ევროპის რეგიონთა ინსტიტუტის (IRE) დელეგაციის ვიზიტი
29 მარტი, 2023
აჭარის ავტონომიური რესპუბლიკის განათლების, კულტურისა და სპორტის მინისტრმა მაია ხაჯიშვილმა, ევროპის რეგიონთა ინსტიტუტის (IRE) დელეგაციას პრეზიდენტ, დოქტორ ფრანც შაუსბერგერის მეთაურობით უმასპინძლა.
შეხვედრაზე ისაუბრეს სამინისტროს საქმიანობის სფეროების თაობაზე. განსაკუთრებული ყურადღება დაეთმო სტუდენტების, მოსწავლეებისა და პედაგოგების ხელშეწყობას, საზღვარგარეთ სწავლისა და სტაჟირების დაფინანსებას, სხვადასხვა ევროპულ ინსტიტუციებთან თანამშრომლობის გამოცდილებას. ასევე, რეგიონში კულტურული მემკვიდრეობის მოვლა-პატრონობის კუთხით მიმდინარე აქტივობებს.
დელეგაციის წევრებმა თავის მხვრივ, კმაყოფილება გამოთქვეს აჭარაში ვიზიტის ფარგლებში გამართული შეხვედრებით და ახალგაზრდების ჩართულობით.
შეხვედრის შედეგად, დაიგეგმა მომავალი თანამშრომლობის პერსპექტივები, რომლის ფარგლებშიც ევროპის რეგიონთა ინსტიტუტი და სამინისტრო ახალგაზრდებისთვის ერთობლივ საგანმანათლებლო-სამეცნიერო პროექტებს და გაცვლით პროგრამებს განახორციელებენ.
იხილეთ გალერეა