კენკროვანი კულტურა და შესანახი მაცივრები მაღალმთიან აჭარაში
08 სექტემბერი, 2023
აჭარის სოფლის მეურნეობის მინისტრმა ზაზა შავაძემ ხულოს მუნიციპალიტეტის სოფელ მანიაკეთში ჟოლოს ბაღი მოინახულა და კრეფის პროცესს დაესწრო.
ფერმერი წელს მოსავლის სახით 5 ტონამდე ჟოლოს ელოდება. მოწეული პროდუქციის რეალიზაცია ძირითადად ხდება სუპერმარკეტების ქსელში.
ფერმერს ასევე აქვს 3,5 ტონიანი სამაცივრე მეურნეობა, რომელიც აჭარის სოფლის მეურნეობის სამინისტროს ,,საოჯახო მეურნეობის განვითარების’’ ხელშეწყობის პროგრამის ფარგლებში დაუფინანსდა.
მინისტრმა ასევე, სოფელ დიაკონიძეებში ლექსო სოლომონიძის ჟოლოს საოჯახო მეურნეობა დაათვალიერა და ფერმერთან ერთად კრეფაში მიიღო მონაწილეობა.
ჟოლოს კრეფის პროცესს მინისტრის მოადგილეები და ხულოს მუნიციპალიტეტის ხელმძღვანელი პირები ესწრებოდნენ.
იხილეთ გალერეა