მინისტრი ზალცბურგის მე-19 ევროპულ სამიტში ღებულობს მონაწილეობას
25 სექტემბერი, 2023
ევროპის რეგიონების ინსტიტუტის მიწვევით, აჭარის უმაღლესი საბჭოს თავმჯდომარე დავით გაბაიძე, აჭარის სოფლის მეურნეობის მინისტრი ზაზა შავაძე და საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარის მოადგილე სალომე ქურასბედიანი ზალცბურგის მე-19 ევროპულ სამიტში ღებულობენ მონაწილეობას, რომელიც ავსტრიის კანცლერის პატრონაჟითა და ევროპის რეგიონთა ინსტიტუტის ორგანიზებით მიმდინარეობს.
სამიტის პირველი დღის მთავარი მომხსენებელი ავსტრიის კანცლერი ბატონი კარლ ნეჰამერი იყო.
სამიტის დაწყებამდე დელეგაციის წევრები დაესწრნენ ევროპის რეგიონთა ინსტიტუტის გენერალურ ასამბლეას, სადაც IRE-ს საქმიანობა და ფინანსური ანგარიში მოისმინეს.
ვიზიტის ფარგლებში მინისტრი დაესწრება სხვადასხვა სესიას. ასევე, მონაწილეობას მიიღებს „რეგიონალიზმი და გლობალიზაცია“ სესიაში და გამართავს შეხვედრებს სოფლის მეურნეობის/გარემოს დაცვის სფეროებში მოღვაწე სხვადასხვა ქვეყნის რეგიონულ და ფედერალურ ლიდერებთან.
იხილეთ გალერეა