ხელვაჩაურში დამეწყრილი გზების გაწმენდა მიმდინარეობს
09 ოქტომბერი, 2023
ხელვაჩაურის მუნიციპალიტეტში, ადგილობრივი მნიშვნელობის საავტომობილო გზებზე დამეწყრილი მონაკვეთების გაწმენდა ინტენსიურ რეჟიმში მიმდინარეობს.
სამუშაოებში ჩართულია აჭარის საავტომობილო გზების დეპარტამენტის ტექნიკები და ადამიანური რესურსი.
ამ ეტაპზე ყველა მიმართულებით საავტომობილო გადაადგილება შეფერხების გარეშეა.
უკვე გაიწმინდა კირნათი-ზედა ჩხუტუნეთის საავტომობილო გზა, სადაც ავტოტრანსპორტის მოძრაობა აღდგა.
დარჩენილი ლოკაციების გაწმენდა ეტაპობრივად განხორციელდება.
მიმდინარე სამუშაოებს აჭარის საავტომობილო გზების დეპარტამენტის ხელმძღვანელობა ადგილზე გაეცნო.
იხილეთ გალერეა