ტარიელ ფუტკარაძის სახელობის სტიპენდიას 17 სტუდენტი მიიღებს
11 ნოემბერი, 2023
აჭარის განათლების, კულტურისა და სპორტის სამინისტრო ჰუმანიტარული მიმართულებების ხელშეწყობის მიზნით ახორციელებს პროგრამას - „ტარიელ ფუტკარაძის სახელობის სტიპენდია“.
„ტარიელ ფუტკარაძის სახელობის სტიპენდია“ გადაეცემა:
აჭარის ავტონომიური რესპუბლიკის ადმინისტრაციულ ტერიტორიაზე კონკურსის გამოცხადებამდე ბოლო ერთი წლის მანძილზე რეგისტრირებულ საქართველოს მოქალაქეებს (სტუდენტი);
სტუდენტებს, რომლებიც სწავლობენ ავტორიზებულ უმაღლეს საგანმანათლებლო დაწესებულებებში, აკადემიური უმაღლესი განათლების პირველი (ბაკალავრიატი) და მეორე (მაგისტრატურა) საფეხურის იმ აკრედიტებულ საგანმანათლებლო პროგრამებზე, რომელთა კვალიფიკაცია მიეკუთვნება ქართველოლოგიის მიმართულებას;
აქვთ აქტიური სტუდენტის სტატუსი;
სტუდენტებს, რომლებსაც ბოლო სემესტრის აკადემიური მოსწრების ქულა საშუალო არითმეტიკულით აქვთ 81% და მეტი.
2023 წელს „ტარიელ ფუტკარაძის სახელობის სტიპენდიას“ ერთჯერადად მიიღებს 17 სტუდენტი, თითოეული 1000 ლარის ოდენობით, მათ შორის:
2022 წელს დაფინანსებული 11 სტუდენტი, რომლებსაც გაუგრძელდათ დაფინანსება მაღალი აკადემიური მოსწრების შენარჩუნების საფუძველზე და 2023 წელს აგვისტოში გამოცხადებული კონკურსის საფუძველზე შერჩეულ 6 სტუდენტი.
იხილეთ გალერეა