აჭარის ავტონომიური რესპუბლიკის განათლების, კულტურისა და სპორტის სამინისტრო

ვიქტორ დოლიძე სტუდენტებს შეხვდა

16 მარტი, 2017

დღეს, ბათუმის შოთა რუსთაველის სახელმწიფო უნივერსიტეტში საქართველოს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე უნივერსიტეტის პროფესორ-მასწავლებლებს, სტუდენტებსა და რეგიონის განათლების სფეროს წარმომადგენლებს შეხვდა. შეხვედრას აჭარის განათლების, კულტურისა და სპორტის მინისტრი ინგა შამილიშვილი, მინისტრის მოადგილე თეონა ბერიძე და  ბათუმის შოთა რუსთაველის სახელმწიფო უნივერსიტეტის რექტორი მერაბ ხალვაში ესწრებოდნენ.

ვიქტორ დოლიძემ იმ სტრატეგიული კომუნიკაციის შესახებ ისაუბრა, რომელიც საქართველოს მოსახლეობისათვის სავიზო რეჟიმის ლიბერალიზაციის შესახებ ინფორმაციის მიწოდებას, მისი შესაძლებლობებისა და პირობების გაცნობას და ცნობიერების ამაღლებას ითვალისწინებს. ასევე, საქართველოს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა ხაზი გაუსვა იმ ვალდებულებებსა და პასუხისმგებლობას, რომელიც საქართველოს მოქალაქეებს უვიზო რეჟიმის სარგებლობის შემთხვევაში ექნებათ. სტუდენტებისა და პროფესორ-მასწავლებლების შეკითხვები შეჩერების მექანიზმის ამოქმედებას, ევროპაში სასწავლო ვიზიტებს, უვიზო მიმოსვლის წესების დარღვევის პრევენციასა და სამომავლო პერსპექტივებს ეხებოდა.

კალენდარი

<<
<ოქტომბერი 2017>
>>
ორშ.სამშ.ოთხშ.ხუთშ.პარ.შაბ.კვ.
392526272829301
402345678
419101112131415
4216171819202122
4323242526272829
44303112345

ცხელი ხაზი

+995 (422) 24-53-86

სოციალური ქსელები