აჭარის ავტონომიური რესპუბლიკის საავტომობილო გზებისა და სამელიორაციო სისტემების მართვის დეპარტამენტი

მუნიციპალიტეტებში გზების სარეაბილიტაციო სამუშაოები გრძელდება

22 მარტი, 2017

საავტომობილო გზებისა და სამელიორაციო სისტემების მართვის დეპარტამენტი ხუთივე მუნიციპალიტეტში, 27 ერთეული მძიმე ტექნიკით შიდა სასოფლო გზების გაწმენდით სამუშაოებს ახორციელებს. ამ ეტაპზე ქობულეთის მუნიციპალიტეტში კვირიკეს, ჩაქვი-სახალვაშოსა და ქაქუთი-გოგმაჩაურის გზებზე გრუნტის მოსწორებისა და პროფილირების სამუშაოები მიმდინარეობს. ხელვაჩაურის მუნიციპალიტეტში ჩხუტუნეთის ცენტრალური გზისა და ჭარნალის მეურნეობის მიმართულებით ხორციელდება ჩამონაშალის გაწმენდის, ჩამონაშალის გატანის და გრუნტის მოსწორება-პროფილირების სამუშაოები. ქედის მუნიციპალიტეტში მახუნცეთი-უჩხითისა და კოკოტაური-ძანაძეები-ქვაკაცას მიმართულებით მთის ჩამონაშალის გაწმენდისა და გატანის სამუშაოები მიმდინარეობს, ასევე ზვარე-წონიარისის, ცხემნა-ორცვასა და ოქტომბერი-მეძიბნას მიმართულებით ხიდებზე დაზიანებული მოაჯირების ელ. შედუღებისა და საგზაო ნიშნების მოწყობის სამუშაოები გრძელდება. შუახევის მუნიციპალიტეტში ხიჭაური-ნაღვარევისა და შუახევი-უჩამბას გზებზე ჩამონაშალის გაწმენდისა და გატანის სამუშაოები მიმდინარეობს, ხოლო ლომანაური-ბალაურისა და ვანის გზა იწმინდება თოვლისგან. ხულოს მუნიციპალიტეტში დიდაჭარა-ღორჯომის, ჩაო-გამართისა და აგარა-ღორჯომის მიმართულებით გრძელდება თოვლისა და ზვავისაგან გზის გაწმენდითი სამუშაოები, ხოლო სხალთა-ხულოს, დიაკონიძეები-ოქრუაშვილებისა და ვერნები-მახალაკურის მიმართულებით ჩამონაშალის გაწმენდისა და გრუნტის დატვირთვა-გატანის სამუშაოები. 

კალენდარი

<<
<მაისი 2018>
>>
ორშ.სამშ.ოთხშ.ხუთშ.პარ.შაბ.კვ.
1830123456
1978910111213
2014151617181920
2121222324252627
2228293031123
2345678910

ცხელი ხაზი

+995 (422) 24-73-66

სოციალური ქსელები