აჭარის ავტონომიური რესპუბლიკის განათლების, კულტურისა და სპორტის სამინისტრო

ზურაბ პატარაძემ და ინგა შამილიშვილმა ქობულეთში კვლევითი ინსტიტუტი დაათვალიერეს

09 აპრილი, 2017

აჭარის მთავრობის თავმჯდომარემ ზურაბ პატარაძემ, აჭარის განათლების კულტურისა და სპორტის მინისტრმა ინგა შამილიშვილმა უნივერსიტეტის რექტორთან მერაბ ხალვაშთან ერთად, ქობულეთში ფიტოპათოლოგიის და ბიომრავალფეროვნების კვლევითი ინსტიტუტისთვის გამოყოფილი ტერიტორია დაათვალიერა, ინსტიტუტის მეცნიერ-თანამშრომლებს გაესაუბრა და მათი საქმიანობის შესახებ ინფორმაცია მოისმინა. ინსტიტუტის რომლის ძირითადი მიზანი მცენარეთა დაავადებების გამოვლენა, მათი დიაგნოსტიკა, მავნეობის ხარისხის დადგენა, დაავადებებთან ბრძოლის მეთოდების შემუშავებაა, ქვეყნისათვის სტრატეგიული მნიშვნელობის კვლევები ხორციელდება. ქობულეთში, სახელმწიფო უნივერსიტეტის ბაზაზე არსებული კვლევითი ცენტრის ახალი შენობა აშენდება. პროექტი აპრილის თვეში იქნება მზად და რამდენიმე თვეში დაიწყება ნაგებობის აშენება.

,,დაახლოებით ერთი მილიონი ლარია გათვალისწინებული ამ პროექტისთვის, სადაც იმუშავებენ პროფესიონალი და კვალიფიციური დარგის სპეციალისტები. ასევე აგრარული მიმართულებით სტუდენტებს საშუალება მიეცემათ აქ ჩაატარონ კვლევები, ჩატარდება კონფერენციები, სემინარები. პროექტი ძალიან მნიშვნელოვანია ჩვენი რეგიონისთვის. ჩემს ხელისუფლებაში მოსვლის დღიდან არაერთხელ მქონდა შეხვედრები უნივერსიტეტში და პროფესორ-მასწავლებლების თხოვნა იყო ამ ცენტრის მოწესრიგება. მიღებულ იქნა გადაწყვეტილება და უახლოეს პერიოდში დაიწყება ცენტრის მშენებლობა" - აღნიშნა ზურაბ პატარაძემ.

 

ქობულეთში, კაიკაციშვილის ქუჩაზე მდებარე მიწის ნაკვეთზე დაახლოებით 1000 კვ.მ. ფართის სპეციალური შენობა აშენდება. მიწის ნაკვეთი აჭარის ა.რ. მთავრობამ უნივერსიტეტს 2014 წელს გადასცა. ამ ეტაპზე მიმდინარეობს საპროექტო სამუშაოების ტენდერისთვის ბაზრის მოკვლევა. მშენებლობა, რომელიც დაახლოებით 1 მლ. ლარია გათვალისწინებული, მიმდინარე წლის ივნისში დაიწყება.

 

ასევე აღსანიშნავია, რომ აჭარის მთავრობამ უნივერსიტეტს, შემდგომი განვითარებისთვის, აჭარის ავტონომიური რესპუბლიკის საკუთრებაში არსებული ბათუმში, ლეონიძის ქ.№15 მდებარე 65982 კვ.მ. არასასოფლო-სამეურნეო დანიშნულების მიწის ნაკვეთი და მეტაქსას ქ.10-10 ა-ში მდებარე 1040 კვ.მ. ფართის შენობა-ნაგებობა უსასყიდლოდ, არსებობის ვადით გადასცა.


კალენდარი

<<
<ოქტომბერი 2017>
>>
ორშ.სამშ.ოთხშ.ხუთშ.პარ.შაბ.კვ.
392526272829301
402345678
419101112131415
4216171819202122
4323242526272829
44303112345

ცხელი ხაზი

+995 (422) 24-53-86

სოციალური ქსელები