აჭარის ავტონომიური რესპუბლიკის ტურიზმისა და კურორტების დეპარტამენტი

პირველადი სამედიცინო დახმარების საკითხებში გიდებს ტრენინგი ჩაუტარდათ

19 მაისი, 2017

აჭარის ტურიზმის დეპარტამენტში გიდებისთვის ტრენინგები გრძელდება. ამჟამად, მთიანი აჭარის ტურების მიმართულებით გადამზადების მსურველებს სწავლება პირველადი სამედიცინო დახმარების საკითხებში ჩაუტარდათ.

დღესვე, ტრენინგის მონაწილეებს რეგიონისთვის გიდის პროფესიის მნიშვნელობაზე ესაუბრა აჭარის ტურიზმის დეპარტამენტის თავმჯდომარე სულხან ღლონტი. გარდა ამისა, თავმჯდომარემ ტურისტული პროდუქტების სააგენტოს დირექტორ თინათინ ზოიძესთან ერთად გიდებს დეპარტამენტში მიმდინარე და დაგეგმილი პროექტები გააცნო.  

„დეპარტამენტი სააგენტოსთან ერთად შემდეგი წლისთვისაც გააგრძელებს ტრენინგებს რეგიონში მოქმედი გიდებისთვის. თქვენ ხართ ჩვენი ქვეყნისა და რეგიონის სახე. თქვენზე მნიშვნელოვნადაა დამოკიდებული თუ როგორ გააცნობთ აჭარას ჩვენთან ჩამოსულ ტურისტებს. დეპარტამენტი რეგიონში ტურისტების მოზიდვის მიზნით აქტიურ პიარ და სარეკლამო კამპანიებს 16 სამიზნე ქვეყანაში აწარმოებს და ჩვენთვის მნიშვნელოვანია ტურისტებს აჭარაში დახვდეთ პროფესიონალი გიდები. მოგიწოდებთ ჩაერთოთ  პროექტში „რეკომენდებულია ტურიზმის დეპარტამენტის მიერ“ გიდებისთვის და მიიღოთ ხარისხის ნიშანი, რაც თქვენს ცოდნასა და პროფესიონალიზმს ხაზს გაუსვამს,“ აღნიშნა გიდებთან საუბრისას სულხან ღლონტმა.

აჭარის ტურისტული პროდუქტების სააგენტოში ტრენინგებს 60 დამწყები და მოქმედი გიდი ეტაპოპრივად, მთიანი აჭარის 4 ტურისტული მარშრუტის მიმართულებით გადის.


კალენდარი

<<
<ნოემბერი 2017>
>>
ორშ.სამშ.ოთხშ.ხუთშ.პარ.შაბ.კვ.
44303112345
456789101112
4613141516171819
4720212223242526
4827282930123
4945678910

ცხელი ხაზი

577 90 90 93 (ტურისტებისთვის)

სოციალური ქსელები