ოდესის ოლქი - უკრაინა

02 აგვისტო, 2017

ოდესის ოლქი - მდებარეობს უკრაინის სამხრეთ-დასავლეთ ნაწილში და წარმოადგენს მნიშვნელოვან საპორტო და ტურისტულ მხარეს. გარდა ამისა, ის მნიშვნელოვანი კულტურული, საგანმანათლებლო და სამრეწველო რეგიონია. ადმინისტრაციული ცენტრი - ქალაქი ოდესა. მოსახლეობის რაოდენობა შეადგენს 2,379,229.

2005 წლის 25 მარტს ქალაქ კიევში აჭარის ავტონომიური რესპუბლიკის მთავრობასა (საქართველო) და ოდესის ოლქის სახელმწიფო ადმინისტრაციას (უკრაინა) შორის ხელმოწერილი იქნა პროგრამა სავაჭრო-ეკონომიკური, სამეცნიერო-ტექნიკური და ჰუმანიტარული თანამშრომლობის შესახებ.

2013 წლის 13 სექტემბერს ქალაქ ბათუმში აჭარის ავტონომიური რესპუბლიკის მთავრობასა (საქართველო) და ოდესის ოლქის სახელმწიფო ადმინისტრაციას (უკრაინა) შორის ხელმოწერილი იქნა შეთანხმება სავაჭრო-ეკონომიკური, სამეცნიერო-ტექნიკური და კულტურული თანამშრომლობის შესახებ.

შეთანხმების თანახმად მხარეები განავითარებენ თანამშრომლობას შემდეგ სფეროებში:

Ø  ეკონომიკა, სამრეწველო საქმიანობა, ტრანსპორტი;

Ø  ტურიზმი;

Ø  სოფლის მეურნეობა;

Ø  განათლება, კულტურა და სპორტი;

Ø  ჯანდაცვა და სოციალური საკითხები;
Ø  ეკოლოგია და ბუნებრივი რესურსებით სარგებლობა.

 

2017 წლის 19 ივლისს ქალაქ ბათუმში გაფორმდა აჭარის ავტონომიურ რესპუბლიკისა (საქართველო) და ოდესის ოლქს შორის (უკრაინა) თანამშრომლობის განვითარების ღონისძიებების გეგმა.