აჭარის ავტონომიური რესპუბლიკის ტურიზმისა და კურორტების დეპარტამენტი

აჭარა საქმიანი ტურიზმის ყველაზე მასშტაბურ გამოფენაზე ''IBTM World''

04 დეკემბერი, 2017

აჭარის ტურიზმის დეპარტამენტი ბარსელონას ტურისტულ გამოფენაში „IBTM World” მონაწილეობდა. დეპარტამენტმა რეგიონს პოპულარიზაცია საქმიანი ტურიზმის მიმართულებით მსოფლიოში ყველაზე პოპულარულ გამოფენაზე ტურიზმის ეროვნულ ადმინისტრაციასთან და ტურისტულ სააგენტოებთან ერთად გაუწია. გამოფენის ფარგლებში დეპარტამენტის წარმომადგენლებმა შეხვედრები გამართეს ტურისტული და სარეკლამო კომპანიების წარმომადგენლებთან. 

IBTM World” არის მსოფლიოში ყველაზე მასშტაბური გამოფენა საქმიანი შეხვედრების, კონფერენციებისა და ბიზნეს ღონისძიებების გასამართად. წელს, გამოფენაში 150 ქვეყნის 3 000-მდე კომპანია მონაწილეობდა და წინასწარ დაგეგმილი შეხვედრების რაოდენობა 51 000  აღემატებოდა.

ტურიზმის ბიზნესში მოქმედი ყველა მნიშვნელოვანი კომპანია ბარსელონას ტურისტულ გამოფენაში მონაწილეობდა, რაც საუკეთესო საშუალება იყო ჩვენთვის კონტაქტების დასამყარებლად და სამომავლო ურთიერთანამშრომლობის დასაგეგმად. ჩვენ არაერთი შეხვედრა გავმართეთ იმ კომპანიების წარმომადგენლებთან, რომლებიც დაინტერესებული არიან საქართველოთი და შევთავაზეთ აჭარა, როგორც მათთვის ახალი ტურისტული პროდუქტი. ეს იყო როგორც ტურისტული, ასევე სარეკლამო კომპანიები, რომლებიც წარმატებული თანამშრომლობის შემთხვევაში დაგვეხმარებიან აჭარის პოპულარიზაციაში,“ განაცხადა აჭარის ტურიზმის დეპარტამენტის რეკლამისა და საზოგადოებასთან ურთიერთობის განყოფილების უფროსმა ნინო ხახუბიამ.

2017 წელს, აჭარის ტურიზმის დეპარტამენტმა რეგიონის ტურისტული პროდუქტები ჯამში, 25 საერთაშორისო ტურისტულ გამოფენაზე წარადგინა.


კალენდარი

<<
<ნოემბერი 2018>
>>
ორშ.სამშ.ოთხშ.ხუთშ.პარ.შაბ.კვ.
442930311234
45567891011
4612131415161718
4719202122232425
48262728293012
493456789

ცხელი ხაზი

577 90 90 93 (ტურისტებისთვის)

სოციალური ქსელები