აჭარის ავტონომიური რესპუბლიკის ფინანსთა და ეკონომიკის სამინისტრო

ბათუმში ყინულის ახალი არენა და საცურაო აუზი აშენდება

26 დეკემბერი, 2017

აჭარის ფინანსთა და ეკონომიკის სამინისტრომ ქალაქ ბათუმში დახურული სპორტული კომპლექსის - ყინულის არენისა და საცურაო აუზის საპროექტო-სახარჯთაღრიცხვო დოკუმენტაციისა და სამშენებლო სამუშაოების შესყიდვის მიზნით ინტერესთა გამოხატვა გამოაცხადა. 
შესყიდვის ობიექტი:
ქალაქ ბათუმში, ლადო ასათიანის ქუჩა №27-ში მდებარე მიწის ნაკვეთებზე (ფართობი:17410 კვ.მ და 7153კვ.მ;)დახურული სპორტული კომპლექსის - ყინულის არენისა (ტრიბუნებით 1500 ადგილზე) და საცურაო აუზის (ტრიბუნებით 1000 ადგილზე) საპროექტო- სახარჯთაღრიცხვო დოკუმენტაციის შედგენა და მშენებლობა. 
კომპლექსის საორიენტაციო სამშენებლო ფართობია 16 000 მ² (ფართობი დაზუსტდება პროექტირებისას), მათ შორის ყინულის არენის - 10500 კვ.მ, ხოლო საცურაო აუზის 5500 კვ.მ.

ყინულის არენა განკუთვნილი უნდა იყოს სასწავლო-სავარჯიშო პროცესისა და სხვადასხვა დონის შეჯიბრებების ჩასატარებლად, შემდეგ სახეობებში: - ფიგურული სრიალი - ჰოკეი - ასევე, ციგურებზე მასობრივი სრიალის, კულტურულ-სანახაობრივი და გასართობი ღონისძიებების, დღესასწაულების, კონცერტების და გამოფენების ჩასატარებლად.

საცურაო აუზი განკუთვნილი უნდა იყოს შეჯიბრებების ჩასატარებლად ცურვაში, წყალბურთში და მასობრივ ცურვაში, ტრიბუნებით 1000 დასაჯდომი ადგილი.
საპროექტო-სახარჯთაღრიცხვო დოკუმენტაციით გათვალისწინებული უნდა იყოს შეზღუდული შესაძლებლობების მქონე (შშმ) პირთათვის შენობის ადაპტაციის ღონისძიებები. შენობა უნდა იყოს ენერგოეფექტური

პროექტის საერთო სავარაუდო ღირებულება: 46 000 000 (ორმოცდაექვსი მილიონი) ლარი. 
მშენებლობა ხელშეკრულების გაფორმებიდან 2 წელში უნდა დასრულდეს. 
დამატებითი ინფორმაციისთვის იხილეთ ბმული:

კალენდარი

<<
<იანვარი 2018>
>>
ორშ.სამშ.ოთხშ.ხუთშ.პარ.შაბ.კვ.
011234567
02891011121314
0315161718192021
0422232425262728
052930311234
06567891011

ცხელი ხაზი

+ 995 (422) 27-35-10

სოციალური ქსელები