აჭარის ავტონომიური რესპუბლიკის ფინანსთა და ეკონომიკის სამინისტრო

რამაზ ბოლქვაძე საკონსტიტუციო ცვლილებების განხილვას ესწრება

30 იანვარი, 2018

ამ წუთებში სასტუმრო „ჰილტონში“ საკონსტიტუციო ცვლილებების საჯარო განხილვა მიმდინარეობს. 
„აჭარის ავტონომიური რესპუბლიკის კონსტიტუციაში ცვლილების შეტანის შესახებ“ აჭარის ა.რ კონსტიტუციური კანონის პროექტის გამოქვეყნებისა და მისი საჯარო განხილვის საორგანიზაციო კომისია აღნიშნული კანონის პროექტის საჯარო განხილვას 2 კვირის ვადაში უზრუნველყოფს, რის შემდეგაც ის უმაღლესი საბჭოს დარგობრივ კომისიებში განიხილება. კანონის პროექტი უმაღლესი საბჭოს სხდომაზე სამი მოსმენით მიიღება.
სასტუმრო ჰილტონში საჯარო განხილვას აჭარი მთავრობის თავმჯდომარე ზურაბ პატარაძე,მინისტრთა კაბინეტის წევრები, ქალაქ ბათუმის მერი, უმაღლესი საბჭოს დეპუტატები, მედია ორგანიზაციების წარმომადგენლები და სხვა ოფიციალური პირები ესწრებიან.

საორგანიზაციო კომისიამ საჯარო განხილვები 22 იანვრიდან მაღალმთიანი მუნიციპალიტეტებიდან დაიწყო. ამ დრომდე შეხვედრები ადვოკატებთან, არასამთავრობო ორგანიზაციების, მედიის, პოლიტიკური პარტიების, საზოგადოების, აკადემიური წრეების, სტუდენტ-ახალგაზრდობისა და სხვადასხვა სფეროს წარმომადგენლებთან გაიმართა.

12-წევრიანი საორგანიზაციო კომისიის შემადგენლობაში კვოტები უმაღლეს საბჭოში შემავალი პოლიტიკური ძალების მიერ მოპოვებული მანდატების რაოდენობის შესაბამისად განისაზღვრა. გარდა ამისა, კომისიაში ჩართულები არიან არასამთავრობო და აკადემიური წრეების წარმომადგენლები. 
„აჭარის ავტონომიური რესპუბლიკის შესახებ“ ახალი კონსტიტუციური კანონის შესაბამისად, აჭარის ავტონომიური რესპუბლიკის უმაღლეს საბჭო ვალდებულია აჭარის კონსტიტუციის ცვლილებები საქართველოს პარლამენტს წარუდგინოს არაუგვიანეს 2018 წლის 20 აპრილისა.


კალენდარი

<<
<მაისი 2018>
>>
ორშ.სამშ.ოთხშ.ხუთშ.პარ.შაბ.კვ.
1830123456
1978910111213
2014151617181920
2121222324252627
2228293031123
2345678910

ცხელი ხაზი

+ 995 (422) 27-35-10

სოციალური ქსელები