აჭარის ავტონომიური რესპუბლიკის ტურიზმისა და კურორტების დეპარტამენტი

აჭარა 25 საერთაშორისო ტურისტულ გამოფენაზე წარსდგება

16 აპრილი, 2018

აჭარის ტურისტულ პოტენციალს რეკლამირება ბაქოს საერთაშორისო ტურისტულ გამოფენაზე „AITF-2018“ გაეწია. აჭარის ტურიზმის დეპარტამენტი გამოფენაში ტურიზმის ეროვნულ ადმინისტრაციასთან და ტურისტულ სააგენტოებთან ერთად მონაწილეობდა. გამოფენაზე საქართველოს სტენდი აზერბაიჯანის პრეზიდენტმა ილხამ ალიევმა და აზერბაიჯანის ვიცე-პრეზიდენტმა, პირველმა ლედიმ მეჰრიბან ალიევამ დაათვალიერეს. ღონისძიებას ასევე ესწრებოდა გაეროს მსოფლიო ტურიზმის ორგანიზაციის გენერალური მდივანი ზურაბ პოლოლიკაშვილი. ბაქო საერთაშორისო ტურისტულ გამოფენაში მონაწილეობას 20 ქვეყნის 230 კომპანია ღებულობდა. გამოფენას ტურისტული ინდუსტრიის 4 ათასზე მეტი წარმომადგენელი დაესწრო.

წელს, აჭარის ტურიზმის დეპარტამენტი საერთაშორისო გამოფენებზე განახლებული სარეკლამო-საინფორმაციო მასალებით წარსდგა. რაც ძალიან კარგი საშუალებაა ვიზიტორებისა და რეგიონის პოტენციური ტურისტებისთვის დეტალური ინფორმაცია მიიღონ აჭარაში არსებული საზღვაო და სამთო პროდუქტების შესახებ. 2018 წელს, დეპარტამენტი რეგიონს ჯამში 25 საერთაშორისო ტურისტულ გამოფენაზე წარადგენს.

კალენდარი

<<
<ოქტომბერი 2018>
>>
ორშ.სამშ.ოთხშ.ხუთშ.პარ.შაბ.კვ.
401234567
41891011121314
4215161718192021
4322232425262728
442930311234
45567891011

ცხელი ხაზი

577 90 90 93 (ტურისტებისთვის)

სოციალური ქსელები