აჭარის ავტონომიური რესპუბლიკის ფინანსთა და ეკონომიკის სამინისტრო

ქობულეთის შემოვლითი გზა ექსპლუატაციაში შევიდა

25 ივნისი, 2018

►ქობულეთის შემოვლითი გზა საქართველოს პრემიერ-მინისტრმა მამუკა ბახტაძემ გახსნა.

►ქობულეთის ზღვისპირა ზოლიდან სატრანზიტო მოძრაობა ახალ გზაზე გადაერთო.

►ახალი გზა თბილისიდან ბათუმამდე მგზავრობის დროს 20-30 წუთით შეამცირებს.

►ქობულეთის მე-2 მონაკვეთის გახსნის ღონისძიებას აჭარის მთავრობის თავმჯდომარე ზურაბ პატარაძე, რეგიონალური განვითარებისა და ინფრასტრუქტურის მინისტრი მაია ცქიტიშვილი, აზიის განვითარების ბანკის წარმომადგენლები და აჭარის ფინანსთა და ეკონომკის მინისტრი რამაზ ბოლვაძე ესწრებოდნენ.

►საქართველოს საავტომობილო გზების დეპარტამენტის დაკვეთით, ქობულეთის შემოვლითი გზის მე-2 ლოტზე 18 კმ-იანი მონაკვეთი და 15 ხიდი აშენდა.

►მამუკა ბახტაძემ მადლობა გადაუხადა აზიის განვითარების ბანკს პროექტის დაფინანსებისთვის და მასშტაბური სამუშაოს შესრულებისთვის. „ჩვენთვის ძალიან მნიშვნელოვანია, რომ ზღვისპირა ზოლის გარდა მოხდეს ტურისტული პოტენციალის ათვისება აჭარის სოფლებში და განსაკუთრებით მაღალმთიან რეგიონში. ჩვენ ინტენსიურად ვაგრძელებთ მუშაობას ინფრასტრუქტურის განვითარების მიმართულებით. განსაკუთრებით მნიშვნელოვანია, აღმოსავლეთ-დასავლეთის მაგისტრალის მოდერნიზაციის პროგრამის ბოლომდე მიყვანა. ჩვენი მიზანია, მთელი მაგისტრალი გახდეს თანამედროვე სტანდარტების შესაბამისი და შეიქმნას სათანადო პირობები გაზრდილი სატრანზიტო ტვირთებისთვის. ჩვენ გვჭირდება ისეთი ინფრასტრუქტურა, რომელიც მნიშვნელოვან და მზარდ წვლილს შეიტანს ქვეყნის მთლიანი შიდა პროდუქტის გაზრდისთვის» - აღნიშნა პრემიერ-მინისტრმა გზის გახსნის ცერემონიალზე სიტყვით გამოსვლისას.

►ღონისძიებას აჭარის უმაღლესი საბჭოს თავმჯდომარე, ქალაქ ბათუმის და ქალაქ ქობულეთის მერები, საკანონმდებლო და აღმასრულებელი ხელისუფლების წარმომადგენლები ესწრებოდნენ.


კალენდარი

<<
<ივლისი 2018>
>>
ორშ.სამშ.ოთხშ.ხუთშ.პარ.შაბ.კვ.
262526272829301
272345678
289101112131415
2916171819202122
3023242526272829
31303112345

ცხელი ხაზი

+ 995 (422) 27-35-10

სოციალური ქსელები