აჭარის ავტონომიური რესპუბლიკის განათლების, კულტურისა და სპორტის სამინისტრო

43-ე საერთაშორისო საჭადრაკო ოლიმპიადა დასრულდა

08 ოქტომბერი, 2018

43-ე საერთაშორისო საჭადრაკო ოლიმპიადის დახურვის საზეიმო ცერემონია ბათუმის მუსიკალურ ცენტრში გაიმართა. ღონისძიებას აჭარის ავტონომიური რესპუბლიკის მთავრობისა და უმაღლესი საბჭოს თავმჯდომარეები - თორნიკე რიჟვაძე, დავით გაბაიძე, აჭარის განათლების, კულტურისა და სპორტის მინისტრი ინგა შამილიშვილი, ბათუმის მერი ლაშა კომახიძე, საერთაშორისო და ქართული სპორტული საზოგადოებების წარმომადგენლები დასწრნენ. საერთაშორისო საჭადრაკო ოლიმპიადაზე, რომელშიც 180 ქვეყნის 4000-მდე მოჭადრაკე მონაწილეობდა, ასპარეზობა ჩინელ სპორტსმენთა ტრიუმფით დასრულდა: ვაჟებსა და ქალებში ამ ქვეყნის წარმომადგენლებმა გაიმარჯვეს. საქართველო, როგორც მასპინძელი ქვეყანა, ქალთა და ვაჟთა 3-3 ნაკრებით იყო წარმოდგენილი. საქართველოს ქალ მოჭადრაკეთა ნაკრებმა ოლიმპიადაზე, ბრინჯაოს მედლის მოპოვება შეძლო. ნონა გაფრინდაშვილის სახელობის ჯილდო, რომელიც ოლიმპიადის ყველაზე წარმატებული ქვეყნის საჭადრაკო ფედერციას გადაეცემა, ორი წლით ჩინელთა საკუთრებაა. ჩინელმა ვაჟებმა მეორედ მოიპოვეს ოლიმპიადის ჩემპიონობა. აჭარის განათლების, კულტურისა და სპორტის მინისტრმა ინგა შამილიშვილმა საპრიზო ადგილზე გასულ სპორტსმენებს გამარჯვება მიულოცა და შესაბამისი მედლები გადასცა. 2020 წელს, მომდევნო 44-ე საჭადრაკო ოლიმპიადას რუსეთის ქალაქი ხანტი-მანსიისკი უმასპინძლებს.

კალენდარი

<<
<დეკემბერი 2018>
>>
ორშ.სამშ.ოთხშ.ხუთშ.პარ.შაბ.კვ.
48262728293012
493456789
5010111213141516
5117181920212223
5224252627282930
0131123456

ცხელი ხაზი

+995 (422) 24-53-86

სოციალური ქსელები