აჭარის ავტონომიური რესპუბლიკის გარემოს დაცვის სამმართველო

10 ოქტომბერი - მეტყევის დღე

11 ოქტომბერი, 2018

   10 ოქტომბერს მეტყევის დღესთან დაკავშირებით, აჭარის გარემოს დაცვისა და ბუნებრივი რესურსების სამმართველომ, სიპ - აჭარის სატყეო სააგენტოს თანამშრომლებთან ერთად ბათუმის მოსწავლე-ახალგაზრდობის სასახლის აღსაზრდელები ხის დარგვის აქციაში მონაწილეობის მისაღებად ხელვაჩაურის რაიონის სოფელ აგარის მიმდებარედ არსებულ სატყეო ფონდის ტერიტორიაზე მიიწვია.

   მოსწავლეებს ტყის მნიშვნელობის შესახებ მცირე ლექცია ჩაუტარდათ, რის შემდეგაც ყოველ მათგანს შესაძლებლობა მიეცა საკუთარი ხელით დაერგო თითო ხე.

   ამ დღეს აჭარის უკლებლივ ყველა მუნიციპალიტეტში სატყეო სააგენტოს მიერ  ჯამში 2000-მდე ხის ნერგის  დარგვა განხორციელდა.

   აღნიშნული აქციის მიზანი დეგრადირებული ტყის ფართობებზე ტყის კულტურების გაშენება, ტყეების რაოდენობისა და ხარისხობრივი მაჩვენებლების გაზრდა და ასევე მათში არსებული ბიომრავალფეროვნების დაცვაა.

   10 ოქტომბერი მეტყევის დღედ ოფიციალურად 1999 წლიდან ყოველწლიურად აღინიშნება.

იხილეთ გალერეა


კალენდარი

<<
<ივლისი 2019>
>>
ორშ.სამშ.ოთხშ.ხუთშ.პარ.შაბ.კვ.
271234567
28891011121314
2915161718192021
3022232425262728
312930311234
32567891011

ცხელი ხაზი

+995 (422) 27-35-90

სოციალური ქსელები