აჭარის ავტონომიური რესპუბლიკის ფინანსთა და ეკონომიკის სამინისტრო

ჯაბა ფუტკარაძე სპორტული საზოგადოების წარმომადგენლებს შეხვდა

19 ოქტომბერი, 2018

✓„აჭარაში სპორტულ ტურიზმს განვითარების დიდი პოტენციალი აქვს და ჩვენ ძალიან აქტიურად ვიწყებთ ამ სფეროს განვითარებას - ეს განცხადება აჭარის ფინანსთა და ეკონომიკის მინისტრმა ჯაბა ფუტკარაძემ აჭარაში მოქმედი სპორტული ფედერაციების ხელმძღვანელებთან შეხვედრისას გააკეთა. 
„აჭარის ფინანსთა და ეკონომიკის სამინისტრო ამ დროისთვის რამდენიმე მასშტაბურ სპორტულ ინფრასტრუქტურულ პროექტს ახორციელებს აჭარაში, მათ შორის:
20 000 მაყურებელზე გათვლილი UEFA-ს მე-4 კატეგორიის საერთაშორისო საფეხბურთო სტადიონი, ასევე თანამედროვე სტანდარტების სპორტული კომპლექსი, სადაც აჭარაში მოქმედი თითქმის ყველა სპორტული სახეობის სექცია განთავსდება, გარდა ამისა ინტენსიურად მიმდინარეობს 16 000 კვ. მეტრ ფართობზე ყინულის სასახლისა და საცურაო აუზის მშენებლობა.
ჩვენი ერთ-ერთი მთავარი პრიორიტეტი აჭარაში ჯანსაღი ცხოვრების ხელშეწყობაა. პარალელურად კი ჩვენი მიზანია ეს სფერო ფინანსურად მომგებიანი გახდეს და ეკონომიკური სარგებელი მისცეს რეგიონს. 
აჭარაში არსებული შესანიშნავი ეკო სისტემა და მიმდინარე მასშტაბური სპორტული ინფრასტრუქტურული პროექტები სპორტული ტურიზმის განვითარების უმნიშვნელოვანესი კომპონენტებია და ჩვენ აუცილებლად გამოვიყენებთ ამ რესურსს“ - განაცხადა ჯაბა ფუტკარაძემ.

►მინისტრი სპორტულ საზოგადოებას აჭარაში სპორტული ტურიზმის განვითარების ხედვაზე, პერსპექტივებზე და ამ მიმართულების გაძლიერებისთვის საჭირო ღონისძიებებზე ესაუბრა.

►შეხვედრაზე საუბარი სპორტის სხვადასხვა სფეროში არსებული ვითარებას, ასევე მიმდინარე და დაგეგმილ ღონისძიებებს შეეხო.

►შეხვედრას აჭარის ფინანსთა და ეკონომიკის მინისტრის მოადგილე არჩილ ვანაძე, აჭარის განათლების კულტურისა და სპორტის მინისტრის მოადგილე ბადრი ნაკაშიძე, სპორტისა და ახალგაზრდობის საქმეთა დეპარტამენტის ხელმძღვანელი ლაშა ჩავლეშვილი, სპორტული სკოლის დირექტორი ირმა ნიჟარაძე და სპორტული საზოგადოების წარმომადგენლები ესწრებოდნენ


კალენდარი

<<
<ნოემბერი 2018>
>>
ორშ.სამშ.ოთხშ.ხუთშ.პარ.შაბ.კვ.
442930311234
45567891011
4612131415161718
4719202122232425
48262728293012
493456789

ცხელი ხაზი

+ 995 (422) 27-35-10

სოციალური ქსელები