აჭარის ავტონომიური რესპუბლიკის ჯანმრთელობის და სოციალური დაცვის სამინისტრო

უფასო კონსულტაცია რეაბილიტაციის ცენტრში

19 ნოემბერი, 2018

ქ. ბათუმში მდებარე ახლადგახსნილი „კენ ვოლკერის სახელობის სამედიცინო რეაბილიტაციის საუნივერსიტეტო კლინიკა“ შეზღუდული შესაძლებლობის მქონე პირებს მათ, ვისაც ესაჭიროება სარეაბილიტაციო მკურნალობა უაფასო კონსულტაციებს უტარებს.

კონსულტაციებს ქართველ მაღალკვალიფიციურ სპეციალისტებთან ერთად ატარებს ამერიკის შეერთებული შტატებიდან „ფიზიკური რეაბილიტაციის პროექტის“ ფარგლებში მოწვეული სპეციალისტი, ემორის უნივერსიტეტის (აშშ, ატლანტა) მედიცინის სკოლის ოკუპაციური თერაპევტი.

აქციის მიმდინარეობის პროცესს აჭარის ა/რ ჯანმრთელობისა და სოციალური დაცვის მინისტრი ზაალ მიქელაძე, მინისტრის მოადგილე ზურაბ თენიეშვილი და ბათუმის მერის მოადგილე ლელა სურმანიძე დაესწრნენ.

უფასო კონსულტაციები უტარდებათ პირებს, ვისაც ესაჭიროება სარეაბილიტაციო მკურნალობა შემდგომი დაავადებების გამო:
• თავის ან ზურგის ტვინში სისხლის მიმოქცევის მოშლის (ინსულტის) შემდეგ;
• ხერხემლის ტრამვით გამოწვეული მოძრაობის შეზღუდვით;
• თავის და ზურგის ტვინის ტრავმული დაზიანებების შემდგომი მდგომარეობით/დაზიანებით;
• კიდურების ამპუტაციის შემდგომი მდგომარეობით; 
• ორთოპედიული და სხვა ოპერაციული ჩარევის შემდგომი მდგომარეობებით;
• ბავშვებს ცერებრული დამბლით; 
• სხვადასხვა ნევროლოგიური დარღვევებით განპირობებულ შშმ ბავშვებს.
• პაციენტები, ასევე, შეირჩევიან სპასტიურობის ბოტულინის ტოქსინით (დისსპორტი,ბოტოქსი) თერაპიისათვის.

უფასო კონსულტაციების აქცია გაგრძელდება:

20 ნოემბერი, 10:00 – 18:00 საათამდე; 
21 ნოემბერი 10:00-დან 14:00 საათამდე.
მისამართი: ქ. ბათუმი, ბაქოს ქუჩა N8 (ყოფილი გოგებაშვილის ქ. N 40)

უფასო კონსულტაციის შემდეგ შესაძლებელია რეაბილიტაციის სრული კურსის გავლა აღნიშნულ კლინიკაში.

„კენ ვოლკერის სახელობის სამედიცინო რეაბილიტაციის საუნივერსიტეტო კლინიკა“ აჭარის რეგიონში, ქ. ბათუმში გაიხსნა 12 ოქტომბერს USAID-ის მხარდაჭერილი პროექტის "ფიზიკური რეაბილიტაცია საქართველოში " ფარგლებში თბილისის სახელმწიფო სამედიცინო უნივერსიტეტისა (თსსუ) და კორპორაცია „პარტნიორები საერთაშორისო განვითარებისათვის" (PFID) საქართველოს წარმომადგენლობის მიერ ემორის უნივერსიტეტის მედიცინის სკოლის (აშშ, ატლანტა) დახმარებით.

იხილეთ გალერეა


კალენდარი

<<
<მაისი 2019>
>>
ორშ.სამშ.ოთხშ.ხუთშ.პარ.შაბ.კვ.
18293012345
196789101112
2013141516171819
2120212223242526
22272829303112
233456789

ცხელი ხაზი

+995 (422) 24-79-72

სოციალური ქსელები