აჭარის ავტონომიური რესპუბლიკის ფინანსთა და ეკონომიკის სამინისტრო

აჭარაში ფინანსთა სამინისტროს აკადემია გაიხსნა

19 ნოემბერი, 2018

აჭარის ფინანსთა და ეკონომიკის სამინისტროსა და სსიპ ფინანსთა სამინისტროს აკადემიის ერთობლივი თანამშრომლობით, ბათუმში ფინანსთა სამინისტროს აკადემია გაიხსნა.

►აკადემიაში სასერტიფიკაციო, სტაჟირებისა და სხვადასხვა ტრენინგ პროგრამები განხორციელდება, რომლის ძირითადი მიმართულებები იქნება: ფინანსები, ბუღალტერია, აუდიტი, კანონმდებლობა, მენეჯმენტი და უნარ-ჩვევები.

►აკადემიაში სასწავლო პროცესი თანამედროვე ტექნოლოგიების გამოყენებით წარიმართება.

►შენობაში სასწავლო ოთახები, საკონფერენციო დარბაზები და თავისუფალი სივრცეა(ბიბლიოთეკა) განთავსებული. აკადემიის სერვისების მიღება, ყველა დაინტერესებულ პირს შეეძლება.

დღეიდან აკადემიაში პირველი სასწავლო კურსი „საგადასახადო კანონმდებლობის“ თემაზე დაიწყო და მას კერძო და საჯარო სექტორის 25 წარმომადგენელი გაივლის.

►აკადემია აჭარის ა.რ მთავრობის თავმჯდომარემ თორნიკე რიჟვაძემ, აჭარის ფინანსთა და ეკონომიკის მინისტრთან ჯაბა ფუტკარაძესთან, აჭარის უმაღლესი საბჭოს თავმდჯომარესთნ დავით გაბაიძესთან, სსიპ ფინანსთა სამინისტროს აკადემიის დირექტორთან ტარიელ ჭულუხაძესთან ერთად გახსნა.
►სტუმრებს აკადემიის მიერ დაგეგმილი ღონისძიებებისა და ზოგადად საქმიანობის შესახებ სპეციალური პრეზენტაციის ნახვის შესაძლებლობა მიეცათ.

►აკადემია მჭიდროდ თანამშრომლობს საერთაშორისო ორგანიზაციებთან: საერთაშორისო სავალუტო ფონდთან (IMF), ვენის გაერთიანებულ ინსტიტუტთან (JVI), ნიდერლანდების სამეფოს ფინანსთა სამინისტროსთან, გერმანიის საერთაშორისო თანამშრომლობის საზოგადოებასთან (GiZ), გაეროს განვითარების პროგრამასთან (UNDP) და პარტნიორი ქვეყნების მონაწილეობითა და თანამედროვე სწავლების მეთოდების გამოყენებით, არაერთ რეგიონალურ პროექტს ახორციელებს.

►ფინანსთა სამინისტროს აკადემიაში(თბილისში) კვალიფიკაცია 50 000-ზე მეტმა დაინტერესებულმა მსმენელმა აიმაღლა.

►აკადემიის გახსნის ღონისძიებას აჭარის უმაღლესი საბჭოს თავმჯდომარე დავით გაბაიძე, მინისტრთა კაბინეტის წევრები, ბიზნეს წრეების წარმომადგენლები და სტუდენტები ესწრებოდნენ.

საქართველოს ფინანსთა სამინისტროს აკადემია, ხარისხის მართვის საერათაშორისო სერტიფიკატის ISO 9001:2015 მფლობელია.


კალენდარი

<<
<იანვარი 2019>
>>
ორშ.სამშ.ოთხშ.ხუთშ.პარ.შაბ.კვ.
0131123456
0278910111213
0314151617181920
0421222324252627
0528293031123
0645678910

ცხელი ხაზი

+ 995 (422) 27-35-10

სოციალური ქსელები