აჭარის ავტონომიური რესპუბლიკის ჯანმრთელობის და სოციალური დაცვის სამინისტრო

საქართველოს ჯანდაცვა-მიღწევები, გამოწვევები, სამომავლო ხედვა

26 დეკემბერი, 2018

აჭარის ა/რ ჯანმრთელობისა და სოციალური დაცვის მინისტრი ზაალ მიქელაძე ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ დავით სერგეენკოს ჯანდაცვის მიმართულებით განხორციელებული საქმიანობის ანგარიშის წარდგენას დაესწრო.

მინისტრმა თავის გამოსვლაში ყურადღება 2012 წლიდან დღემდე ჯანდაცვის მიმართულებით გატარებულ ძირეულ რეფორმებზე გაამახვილა.

განსაკუთრებული აქცენტები გაკეთდა საყოველთაო ჯანდაცვის, C ჰეპატიტის ელიმინაციისა და ქრონიკული დაავადებების სამკურნალო მედიკამენტებით უზრუნველყოფის პროგრამაზე, რომელსაც პარკინსონისა და ეპილეფსიის სამკურნალო მედიკამენტები დაემატა. პრეპარატებს სოციალურად დაუცველი მოქალაქეები სიმბოლურ ფასად - 1 ლარად მიიღებენ. საპენსიო ასაკის პირები, შეზღუდული შესაძლებლობის სტატუსის მქონე ბავშვები, აგრეთვე მკვეთრად ან მნიშვნელოვნად გამოხატული შეზღუდული შესაძლებლობის სტატუსის მქონე მოქალაქეები მედიკამენტების შეძენისას მინიმუმ 50%-იანი ფასდაკლებით ისარგებლებენ.

ანგარიშში წარმოდგენილი მასალები მომზადებულია არამხოლოდ ეროვნულ მონაცემებზე დაყრდნობით, არამედ მსოფლიო ბანკის, ჯანდაცვის მსოფლიო ორგანიზაციისა და გლობალური ფონდის მიერ 2017 წელს ჩატარებული კვლევის (HUES-ის კვლევა) შედეგების გათვალისწინებით, რომელშიც ნათქვამია, რომ 2012 წლიდან ჯანდაცვის სექტორში განხორციელებული ძირეული რეფორმები საგრძნობლად აისახა მოსახლეობის კეთილდღეობაზე. ის ძვირადღირებული სამედიცინო სერვისები, რომლებიც წარსულში მოსახლეობისთვის, განსაკუთრებით კი, დაბალშემოსავლიანი ნაწილისთვის არ იყო ხელმისაწვდომი, დღეს ფინანსდება სახელმწიფოს მიერ და სწორედ ამ რეფორმის წარმატებას ადასტურებს ის მონაცემები, რომლებიც ანგარიშში არის წარმოდგენილი.

გაიზარდა მოსახლეობის მიერ სამედიცინო სერვისების მოხმარება, ექიმთან მიმართვიანობა. რაც მთავარია, საგრძნობლად შემცირდა ჯიბიდან გადახდილი თანხები, მაღალია მოსახლეობის კმაყოფილება.

აღნიშნული კვლევა ყოველ 3 წელიწადში ერთხელ ტარდება და იძლევა მნიშვნელოვან ინფორმაციას ჯანდაცვის სექტორის განვითარების ეფექტიანობაზე. გარდა მიღწევებისა, ანგარიშის პრეზენტაციაზე აქცენტი გაკეთდა არსებულ გამოწვევებზე და მათ დასაძლევად დაგეგმილ სამომავლო ნაბიჯებზე.

ანგარიშში ასევე, წარმოდგენილი იყო ინფორამცია სტრატეგიულ შესყიდვებზე დაგეგმილი რეფორმის შესახებ, რომელიც ჯანდაცვის სერვისების მიწოდებას საზოგადოების საჭიროებებზე მეტად მორგებულს, მიზნობრივსა და ხარჯეფექტურს გახდის.

ღონისძიებას დაესწრნენ საქართველოს მთავრობისა და პარლამენტის წევრები, საერთაშორისო ორგანიაზაციის წარმომადგენლები და სამედიცინო საზოგადოება.

#ჯანდაცვა2018


კალენდარი

<<
<იანვარი 2019>
>>
ორშ.სამშ.ოთხშ.ხუთშ.პარ.შაბ.კვ.
0131123456
0278910111213
0314151617181920
0421222324252627
0528293031123
0645678910

ცხელი ხაზი

+995 (422) 24-79-72

სოციალური ქსელები