აჭარის ავტონომიური რესპუბლიკის ტურიზმისა და კურორტების დეპარტამენტი

ბათუმს კიდევ ერთი მაღალი კლასის სასტუმრო შეემატა

01 მაისი, 2019

ბათუმში, მაღალი კლასის კიდევ ერთი სასტუმრო გაიხსნა. “Best Western Premier”, რომელშიც 14 მილიონი ლარის ინვესტიცია განხორციელდა ამერიკული საერთაშორისო ბრენდის “Best Western Hotels & Resorts”-ის ფრანჩაიზს წარმოადგენს. 104 სასტუმრო ნომერი, ლაუნჯ-ბარი, რესტორანი ტერასით, ორსართულიანი სპა, საკონფერენციო დარბაზი და ბიზნესცენტრი ექსპლუატაციაში ოფიციალურად დღეიდან შევიდა. სასტუმროში ამჟამად 50 ადამიანია დასაქმებული, რომელთა რაოდენობა აქტიურ ტურისტულ სეზონზე 100-მდე გაიზრდება.

სასტუმრო გახსნის ცერემონიას აჭარის მთავრობის თავმჯდომარე თორნიკე რიჟვაძე, ბათუმის მერი ლაშა კომახიძე, ტურიზმის დეპარტამენტის თავმჯდომარე სულხან ღლონტი და მთავრობის სხვა წევრები ესწრებოდნენ.

“Best Western Hotels & Resorts” არის მსოფლიოში ერთ-ერთი ყველაზე მსხვილი სასტუმრო ქსელი. კომპანიის 72-წლიანი არსებობის განმავლობაში ის 100-ზე მეტ ქვეყანაში 4500-ზე მეტ სასტუმროს ითვლის. „Best Western Premier”-ი ყოფილ საბჭოთა კავშირის ქვეყნებში პირველი „Premier” კლასის სასტუმროა.

იხილეთ გალერეა


კალენდარი

<<
<ივლისი 2019>
>>
ორშ.სამშ.ოთხშ.ხუთშ.პარ.შაბ.კვ.
271234567
28891011121314
2915161718192021
3022232425262728
312930311234
32567891011

ცხელი ხაზი

577 90 90 93 (ტურისტებისთვის)

სოციალური ქსელები