აჭარის ავტონომიური რესპუბლიკის ტურიზმისა და კურორტების დეპარტამენტი

აჭარის პოპულარიზაცია სამიზნე ქვეყნებში გრძელდება

24 ივნისი, 2019

აჭარის ტურისტული პროდუქტების პოპულარიზაცია სამიზნე ქვეყნებში გრძელდება. ამჯერად, რეგიონის საიმიჯო ფოტოებმა ესტონელებისა და ლატვიელების ყურადღება მიიქცია. ტალინისა და რიგის ქუჩებში აჭარის ფოტოებით დაბრენდილი ტრამვაი  გამოჩნდა, რომელიც ესტონეთისა და ლატვიის დედაქალაქებში წლის ბოლომდე იმოძრავებს.  აღნიშნული ქალაქების გარდა რეგიონის პოპულარიზაცია გარე რეკლამით სამიზნე ქვეყნების რამდენიმე ქალაქში მიმდინარეობს.

 

გარდა გარე რეკლამისა, რეგიონის საიმიჯო ვიდეორგოლები წელს ერთდროულად BBC-ის, Euronews-ისა და Deutsche Welle-ს ეთერში ტრიალებდა, რის შედეგადაც რეგიონის ტურისტულ პროდუქტებს მილიონობით პოტენციური ტურისტი გაეცნო. წელს პირველად აჭარის სატელევიზიო რეკლამის ჩაეშვება ასევე, იგეგმება National Geographic-სა და Travel Channel-ის სატელევიზიო ეთერში.

 

აჭარაში ასევე გრძელდება ჟურნალისტებისა და ტურისტული კომპანიების მოწვევა როგორც ევროპული, ასევე ტრადიციული სამიზნე ქვეყნებიდან. ჯამში წელს, 24 ინფო-მედიატურს გაეწია ორგანიზება, რომლის შედეგადაც აჭარის შესახებ რეპორტაჟები, სტატიები და გადაცემები რეიტინგულ მედიასაშუალებებში ქვეყნდება.

 

აჭარის საზღვაო და სამთო ტურისტული პროდუქტების პოპულარიზაციას ლატვიასა და ესტონეთში ტურიზმის დეპარტამენტი ბოლო წლებია აქტიურად ანხორციელებს, რაც გარე რეკლამის გარდა, ონლაინ რეკლამას, პრესს და ინფოტურების ორგანიზებას ითვალისწინებს. რაც შეეხება ტალინს, 27 ივნისს, ესტონეთის დედაქალაქიდან ბათუმის მიმართულებით პირველი ჩარტერული რეისი შესრულდება და ის ზაფხულის განმავლობაში გაგრძელდება. ჩარტერული ფრენები წელს ასევე, დაგეგმილია ვილნიუსიდან და ვარშავიდან.

იხილეთ გალერეა


კალენდარი

<<
<ოქტომბერი 2019>
>>
ორშ.სამშ.ოთხშ.ხუთშ.პარ.შაბ.კვ.
4030123456
4178910111213
4214151617181920
4321222324252627
4428293031123
4545678910

ცხელი ხაზი

577 90 90 93 (ტურისტებისთვის)

სოციალური ქსელები