აჭარის ავტონომიური რესპუბლიკის ტურიზმისა და კურორტების დეპარტამენტი

მთიანი აჭარის ტურისტული პროდუქტების პოპულარიზაცია გრძელდება

07 აგვისტო, 2019

მთიანი აჭარის ტურისტული პროდუქტების პოპულარიზაცია გრძელდება. ამჯერად, გიდებმა და ტურისტული სააგენტოების წარმომადგენლებმა სხალთა-ხიხანის ხეობასა და გოდერძის ალპურ მარშრუტზე იმოგზაურეს.

აჭარის ტურიზმის დეპარტამენტის ტურისტული პროდუქტების განვითარების სააგენტოს მიერ ორგანიზებული ინფოტურის მონაწილეებმა პირველ დღეს სხალთა-ხიხანის ხეობაში არსებული ისტორიულ-კულტურული ღირშესანიშნაობები დაათვალიერეს, მოინახულეს სხალთის მამათა მონასტერი, შერიფ ხიმშიაშვილის სახლ-მუზეუმი, დალაშქრეს ხიხანის ციხე და გაეცნენ სოფელ ხიხაძირში არსებული საოჯახო-სასტუმრო სახლების სერვისებს.      

მეორე დღეს კი ტურისტული სააგენტოების წარმომადგენლები და გიდები ხიხაძირიდან თეთრობის იაილების გავლით, რომელიც მთლიანად ალპურ ზონაში გადის კურორტ ბეშუმში გაემგზავრნენ, სადაც  ყოველწლიურ სახალხო დღესასწაულს "შუამთობა" დაესწრნენ. ინფოტურის მონაწილეებმა ასევე დაათვალიერეს გოდერძის ალპური ბოტანიკური ბაღი და იქ გარსებულ და დაგეგმილ სერვისებს გაეცნენ. ორდღიანი გაცნობითი ტური მთიანაჭარაში მწვანე ტბის მონახულებით დასრულდა, რომელიც ტურისტებისთვის მიმზიდველი ღირსშესანიშნაობაა. ამჟამად, მიმდინარეობს მწვანე ტბამდე მისასვლელი გზის რეაბილიტაცია და ტბის ირგვლივ ტურისტული ინფრასტრუქტურის მოწყობა
აჭარის ტურიზმის დეპარტამენტის ტურისტული პროდუქტების განვითარების სააგენტო მთიანაჭარის ტურისტული მარშრუტების განვითარებასა და პოპულარიზაციას წლის ბოლომდე გააგრძელებს.

იხილეთ გალერეა


კალენდარი

<<
<აგვისტო 2019>
>>
ორშ.სამშ.ოთხშ.ხუთშ.პარ.შაბ.კვ.
312930311234
32567891011
3312131415161718
3419202122232425
352627282930311
362345678

ცხელი ხაზი

577 90 90 93 (ტურისტებისთვის)

სოციალური ქსელები