აჭარის ავტონომიური რესპუბლიკის ტურიზმისა და კურორტების დეპარტამენტი

აჭარის ტურიზმის დეპარტამენტის ტრენინგებში სმენადაქვეითებული პირებიც ჩაერთნენ

03 დეკემბერი, 2019

 
აჭარის ტურიზმის დეპარტამენტი რეგიონში სერვისის გაუმჯობესების მიზნით აგრძელებს ტრენინგებს. ამჯერად, დეპარტამენტი ტურისტული სააგენტოს მართვა-ფუნქციონირების შესახებ ტრენინგს სმენადაქვეითებული და სმენისარმქონე პირებს უტარებს.

ტრენინგის მონაწილე სმედაქვეითებული, დამწყები გიდები და ტურისტული სააგენტოს წარმომადგენლები სურდო თარგმანის მეშვეობით ისეთ მნიშვნელოვან თემებს შეისწავლიან, როგორებიცაა ტურისტული პროდუქტის განვითარება/რეალიზაცია, ტურ-ოპერეიტინგი, განთავსებისა და კვების ობიექტებთან, სატრანსპორტო და სადაზღვევო კომპანიებთან, გიდებთან თანამშრომლობა, ასევე უსაფრთხოება ტურიზმში, ტურიზმის მარკეტინგი, ტურისტული სერვისის რეკლამირება და PR.

ტრენინგის მიზანი ტურიზმის ბიზნესში დასაქმებული ყველა, მათ შორის შეზღუდული შესაძლებლობების მქონე პირებისთვის ტურისტული სერვისებისა და პროდუქტების ხელმისაწვდომობა, ასევე სმენადაქვეითებული ტურისტებისთვის რეგიონში მოგზაურობის ხელშეწყობაა.

 დამწყები, სმენადაქვეითებული გიდებისთვის აჭარის ტურიზმის დეპარტამენტმა ტრენინგები პირველად გასულ წელს ჩაატარა, რაც მათ გიდის ხელოვნების, ბათუმისა და ქედის ტურისტული მარშრუტების შესწავლაში დაეხმარა. აღსაღნიშნავია, რომ მათ უკვე ჩამოაყალიბეს სმენისარმქონე და სმენადქვეითებული პირების ტურისტული სააგენტო, რომელიც შესაბამისი საჭიროების მქონე ტურისტებისთვის   ტურისტული მომსახურების გაწევას უზრუნველყოფს.

აჭარის ტურიზმის დეპარტამენტი ტურიზმის ბიზნესში დასაქმებული პირებისთვის ტრენინგებს ბოლო წლებია აქტიურად ატარებს. დღემდე, საგანმანათლებლო პროგრამით სარგებლობა 3000-ზე მეტმა პირმა შეძლო. ტრენინგები უფასოა და მასზე დასწრება ტურიზმის სექტორში დასაქმებულ ნებისმიერ პირს შეუძლია.

იხილეთ გალერეა


კალენდარი

<<
<აგვისტო 2020>
>>
ორშ.სამშ.ოთხშ.ხუთშ.პარ.შაბ.კვ.
31272829303112
323456789
3310111213141516
3417181920212223
3524252627282930
3631123456

ცხელი ხაზი

577 90 90 93 (ტურისტებისთვის)

სოციალური ქსელები