აჭარის ავტონომიური რესპუბლიკის ტურიზმისა და კურორტების დეპარტამენტი

დეპარტამენტი - სერვისის გასაუმჯობესებლად ტრენინგები 2020-შიც აქტიურად გაგრძელდება

13 დეკემბერი, 2019

ქართული გასტრონომიული კულტურა, გასტრონომიული ტურიზმი, გასტრონომიული სუვენირების ბაზრის განვითარება და საქართველო - მცირე ჩამონათვალია იმ თემებისა, რომლის შესახებაც აჭარაში მოქმედ გიდებს ტრენინგი ჩაუტარდათ. თეორიულ-პრაქტიკული ტრენინგისას ისინი აჭარული კერძების მომზადების მასტერკლასსაც დაესწრნენ, სადაც ტურისტისთვის კერძის შეთავაზებასა და პრეზენტაციაზე გაკეთდა აქცენტი.

ტრენინგი აჭარის ტურიზმის დეპარტამენტის საშემოდგომო ტრენინგების ფარგლებში ჩატარდა, რომელიც გარდა გასტრონომიისა, ბათუმი კინოში, ბათუმის ცნობილ შენობებს, ეზოებს, ადამიანებსა და მათ ისტორიებს, ასევე ქართულ მითოლოგიასა და ქორეოგრაფიას დაეთმო. ტრენინგებს სხვადასხვა მიმართულებით მოწვეული სპეციალისტები -  დალი ცატავა (გასტრონომია), თამარ ორაგველიძე (ბათუმის ცნობილი შენობები,ადამიანები), ოლიკო ჟღენტი (ბათუმი კინოში), მირანდა ბაღდადიშვილი (ქართული ქორეოგრაფია), შოთა გუჯაბიძე (ბათუმური ეზოები, აივნები, კარები), პაატა ჩაგანავა (საქართველოს ეკონომიკა) და ემზარ მაკარაძე (ქართული მითოლოგია) კითხულობდნენ.

 პარალელურად, მიმდინარეობს ინგლისური ენის შემსწავლელი ტრენინგ-კურსი საოჯახო-სასტუმრო სახლების წარმომადგენლებისთვის კურორტ გოდერძიზე, მაჭახელასა და სახალვაშოში. დღემდე, აჭარის ტურიზმის დეპარტამენტმა  რეგიონში სერვისის გაუმჯობესების მიზნით  ტურიზმის ბიზნესში დასაქმებულ 3000-მდე პირს ჩაუტარა ტრენინგ-სემინარი, რაც 2020 წელშიც აქტიურად გაგრძელდება.

იხილეთ გალერეა


კალენდარი

<<
<აგვისტო 2020>
>>
ორშ.სამშ.ოთხშ.ხუთშ.პარ.შაბ.კვ.
31272829303112
323456789
3310111213141516
3417181920212223
3524252627282930
3631123456

ცხელი ხაზი

577 90 90 93 (ტურისტებისთვის)

სოციალური ქსელები