აჭარის ავტონომიური რესპუბლიკის მთავრობის აპარატი

ბათუმში თანამედროვე სტანდარტების ბიზნეს-ცენტრი გაიხსნა

17 იანვარი, 2020

ბათუმში თანამედროვე სტანდარტების ბიზნეს ცენტრი გაიხსნა. გახსნის ცერემონიას აჭარის მთავრობის თავმჯდომარე და მთავრობის წევრები ესწრებოდნენ. თორნიკე რიჟვაძემ აღნიშნა, რომ მსგავსი ბიზნეს ცენტრები რეგიონში ხელს შეუწყობს საინვესტიციო პროცესის ეფექტურად განხორციელებას.

„აჭარაში მოქმედი განკარგულების ფარგლებში განახლდა მნიშვნელოვანი პროექტი - სასტუმრო კემპინსკი და მოეწყო ბიზნეს ცენტრი. ეს არის დასავლეთ საქართველოში ერთ-ერთი გამორჩეული ბიზნეს ცენტრი. დარწმუნებული ვარ, ჩვენი თანაქალაქელები, სტუდენტები, საქმიანი ადამიანები, კორპორატიული სტუმრები შეძლებენ ბიზნეს ცენტრში მიიღონ საჭირო სერვისი“ - განაცხადა თორნიკე რიჟვაძემ.

ბიზნეს ცენტრი ლოფტის სტილის მიხედვით არის შესრულებული, განთავსებულია საერთო და ინდივიდუალური სამუშაო ადგილები, სათათბირო და საკონფერენციო ოთახები სივრცეები. ბიზნეს ლოფტში სამუშაო სივრცით და საკონფერენციო ინფრასტრუქტურით სარგებლობა ნებისმიერი პროფესიის ადამიანს შეუძლია. აჭარაში საინვესტიციო-საპრივატიზაციო პროცესის ეფექტურად განხორციელების და სრულყოფის მიზნით, აჭარის მთავრობის განკარგულების ფარგლებში ინვესტიციების ხელშეწყობის ახალი წესი ამოქმედდა. შედეგად, ბოლო 1 წელში, აჭარაში, 1 მილიარდი ლარის საინვესტიციო პროექტები განახლდა (მათ შორის ე.წ კემპინსკი, ბაბილონი, რუმსი).

ეფექტური საინვესტიციო პოლიტიკის გატარებით აჭარაში არცერთი მსხვილი შეჩერებული პროექტი არ არის. აჭარის მიმდინარე საინვესტიციო პორტფელი 4 მილიარდ ლარზე მეტს შეადგენს. ოფიციალური სტატისტიკით, 2019 წელს, აჭარაში, 2000-ზე მეტი სამუშაო ადგილი შეიქმნა.

იხილეთ გალერეა


კალენდარი

<<
<თებერვალი 2020>
>>
ორშ.სამშ.ოთხშ.ხუთშ.პარ.შაბ.კვ.
05272829303112
063456789
0710111213141516
0817181920212223
092425262728291
102345678

ცხელი ხაზი

+995 (422) 27-20-01

სოციალური ქსელები

ბმულები