აჭარის ავტონომიური რესპუბლიკის ჯანმრთელობის და სოციალური დაცვის სამინისტრო

რესპუბლიკურ კლინიკურ საავადმყოფოს სოლომონ ფუტკარაძე უხელმძღვანელებს

04 მარტი, 2020

ქ. ბათუმის რესპუბლიკურ კლინიკურ საავადმყოფოს ახალი ხელმძღვანელი ჰყავს, დღეიდან სამედიცინო დაწესებულებას ექიმი - რადიოლოგი, მედიცინის დოქტორი, სოლომონ ფუტკარაძე უხელმძღვანელებს.

საავადმყოფოს თანამშრომლებს ახალი ხელმძღვანელი აჭარის ა/რ ჯანმრთელობისა და სოციალური დაცვის მინისტრმა, ზაალ მიქელაძემ წარუდგინა.

„ბატონი სოლომონი აჭარის რეგოინში ერთ-ერთი დამსახურებული ექიმია, ის რესპუბლიკურ საავადმყოფოში წლების განმავლობაში მუშაობდა და კარგად იცნობს აქ არსებულ მდგომარეობას. ჩვენ ერთობლივად სამედიცინო საზოგადოებასთან, აჭარის მთავრობასთან, საქართველოს ჯანდაცვის სამინისტროსთან და ახალდაფუძნებულ ჰოლდინგთან ერთად ვიზრუნებთ, რომ ახალი რესპუბლიკური საავადმყოფო ინტეგრირებული იყოს კლინიკების ერთიან ქსელში და ვუპასუხოთ ყველა იმ გამოწვევას, რაც არის მოქმედი კლინიკის და იქნება მომავალი სამედიცინო დაწესებულების წინაშე.

რაც შეეხება ბატონ მალხაზს, ის დაკავებული თანამდებობიდან საკუთარი განცხადების საფუძველზე გათავისუფლდა. მას საკმაოდ დიდი გამოცდილება აქვს ჯანდაცვის სფეროს მართვაში, ლექციებს კითხულობს ჯანდაცვის მენეჯმენტის მიმართულებით, რჩება ჩვენი გუნდის წევრად და მის გამოცდილებას გამოვიყენებთ სახელმწიფო მართვის სფეროში“, - განმარტავს მინისტრი ზაალ მიქელაძე.

იხილეთ გალერეა


კალენდარი

<<
<აგვისტო 2020>
>>
ორშ.სამშ.ოთხშ.ხუთშ.პარ.შაბ.კვ.
31272829303112
323456789
3310111213141516
3417181920212223
3524252627282930
3631123456

ცხელი ხაზი

+995 (422) 24-79-72

სოციალური ქსელები