აჭარის ავტონომიური რესპუბლიკის განათლების, კულტურისა და სპორტის სამინისტრო

უცხოეთში სტაჟირება

01 თებერვალი, 2022

აჭარის ავტონომიური რესპუბლიკის განათლების, კულტურისა და სპორტის სამინისტრო 2006 წლიდან ახორციელებს უცხოეთში სტაჟირების პროგრამას, რომელსაც საფუძვლად უდევს ევროპის რეგიონთა ასამბლეის ახალგაზრდების გაცვლითი პროგრამაევროოდისეა

პროგრამაევროოდისეადაარსდა 1985 წელს, ევროპის რეგიონთა ასამბლეის (ერა) ეგიდით და გულისხმობს პროგრამის მონაწილე რეგიონებს შორის ახალგაზრდების გაცვლას, მათი პროფესიული უნარ-ჩვევების განმტკიცების მიზნით.

პროგრამაში მონაწილეობის უფლება აქვ აჭარის ვტონომიური რესპუბლიკის ადმინისტრაციულ ტერიტორიაზე მცხოვრებ 18-დან 32 წლამდე პირს, რომელსაც გააჩნია პროფესიულ ან უმაღლესი განათლება, ფლობს უცხო ენა/ენებს და აკმაყოფილებს სტაჟირების პირობებს.

რეგიონების მიხედვით სტაჟირების ხანგრძლივობა 3-დან 7 თვემდეა და სრულად ფინანსდება მიმღები რეგიონის მიერ. ამ მიზნით, ახალგაზრდებს ყოველთვიურად ერიცხებათ სტიპენდია 700-800 ევროს ოდენობით კვებისა და აკომოდაციის ხარჯების დასაფარავად. სტაჟირება იწყება უცხო ენის 4 - კვირიანი ინტენსიური კურსით, რომლის ღირებულებასაც ასევე ფარავს მასპინძელი რეგიონი. სპეციალური კულტურული პროგრამა აცნობს სტაჟიორს რეგიონის კულტურულ მემკვიდრეობას და უადვილებს მას ახალ გარემოში ადაპტაციას.

სტაჟიორის დაზღვევის თანადამფინანსებელია ევროპის რეგიონთა ასამბლეა. გზავრობისა და ვიზის ხარჯებს იღებს თავად სტაჟიორი. აჭარის ავტონომიური რესპუბლიკის განათლების, კულტურისა და სპორტის სამინისტრო სტაჟიორს ერთჯერადი გასაცემლის სახით ურიცხავს 1000 ლარს.

სტაჟირების დასრულების შემდეგ, პრაქტიკანტი ვალდებულია მასპინძელ რეგიონს წარუდგინოს მოხსენებითი წერილი, რომელშიც მიმოიხილავს სტაჟირების პერიოდს და აფასებს მიღებულ გამოცდილებას. ამ წერილის საფუძველზე სტაჟიორი ღებულობს შესაბამის სტაჟირების სერტიფიკატს.

უხოეთში გასაგზავნ სტაჟიორთა შერჩევა ხდება კონკურსის წესით. კონკურსის პირველ ეტაპს ატარებს სამინისტრო. პირველ ეტაპზე გამარჯვებულ მონაწილეს უფლება ეძლევა ევროოდისეას ვებ-გვერდის მეშვეობით აპლიკაცია შეავსოს და გაუგზავნოს მიმღებ რეგიონებს. სტაჟიორის შერჩევასთან დაკავშირებით, საბოლოო გადაწყვეტილებას ღებულო მიმღები რეგიონის კოორდინატორი (კონკურსის მეორე ეტაპი) აპლიკანტთან სატელეფონო გასაუბრების საფუძველზე.


სამინისტროში განაცხადების მიღება იწარმოებს 2022 წლის პირველი თებერვლიდან 2022 წლის 30 დეკემბრის ჩათვლით.


წარმოსადგენი დოკუმენტების ჩამონათვალი, განაცხადის ფორმა, შეფასების ფორმა.


საკონტაქტო პირი:


ნინო ბერაძე - ქვეპროგრამის კოორდინატორი

მისამართი: ქ.ბათუმი, ლ.გუდიაშვილის ქ.4

ტელ: 593 304 264

ელ.ფოსტა:beradzen@europe.com

www.eurodyssey.aer.eu

 

 

 


კალენდარი

<<
<ნოემბერი 2022>
>>
ორშ.სამშ.ოთხშ.ხუთშ.პარ.შაბ.კვ.
4431123456
4578910111213
4614151617181920
4721222324252627
482829301234
49567891011

ცხელი ხაზი

+995 (422) 24-53-86

სოციალური ქსელები