აჭარაში ნარინჯისფერი რთველი აქტიურად მიმდინარეობს - ექსპორტირებულია 7000 ტონა მანდარინი

04 დეკემბერი, 2020

ნარინჯისფერი რთველი აჭარაში წარმატებით მიმდინარეობს. აჭარიდან უკვე ექსპორტირებულია 7000 ტონა სტანდარტული მანდარინი. დღეს ბათუმის პორტიდან  გემი ''კაუნასით'' 300 ტონა ციტრუსის გადაზიდვა განხორციელდა.

თორნიკე რიჟვაძე  სოფლის მეურნეობის მინისტრთან ერთად  ბათუმის პორტში ექსპორტის მიმდინარეობის პროცესს ადგილზე გაეცნო. წელს პროდუქტი მაღალი ხარისხით გამოირჩევა, რაც მაღალ საბაზრო ფასს განაპირობებს.

,,აჭარაში აქტიურად მიმდინარეობს ნარინჯისფერი რთველი, როგორც ექსპორტი, ასევე რეალიზაცია. დღეს ჩვენ დავათვალიერეთ და ადგილზე გავეცანით მიმდინარე ექსპორტის პროცედურას. ბორანის მეშვეობით, კვირაში 2-ჯერ ექსპორტზე გადის დაახლოებით 300 ტონაზე მეტი ციტრუსი. დღემდე, უკვე ექსპორტირებულია 7 000 ტონაზე მეტი მანდარინი აჭარიდან და დაახლოებით, 40 000 -ზე მეტი ტონა ციტრუსის ექსპორტი იგეგმება წლის განმავლობაში.

განსაკუთრები მნიშვნელოვანია, რომ ყველა ის მიმდინარე დამუშავების ოპერაცია, რომელიც ექსპორტისთვის არის საჭირო  ხორციელდებოდეს უსწრაფესად,  არცერთ ექსპორტიორს არ ჰქონდეს მნიშვნელოვანი შეფერხება.  ეს მთლიანი ჯაჭვი უნდა იყოს ეფექტური, უნდა იყოს სწრაფი, რომ ყველამ ფერმერმა შეძლოს დაგეგმილი შემოსავლების მიღება. ამისთვის გაკეთდება ყველაფერი ‘’ - აღნიშნა თორნიკე რიჟვაძემ.

იხილეთ გალერეა


კალენდარი

<<
<თებერვალი 2021>
>>
ორშ.სამშ.ოთხშ.ხუთშ.პარ.შაბ.კვ.
051234567
06891011121314
0715161718192021
0822232425262728
091234567
10891011121314

ცხელი ხაზი

995(422)27-20-01

სოციალური ქსელები

ბმულები