"სტუდენტთა დახმარების" ქვეპროგრამის ფარგლებში ყველა სტუდენტი დაფინანსდა

01 ნოემბერი, 2021

აჭარის ავტონომიური რესპუბლიკის განათლების, კულტურისა და სპორტის სამინისტროს „სტუდენტთა დახმარების“ ქვეპროგრამის ფარგლებში  (2021 წლის 2 აგვისტოდან 31 აგვისტოს ჩათვლით გამოცხადებულ კონკურსში) მონაწილე ყველა ის სტუდენტი დაფინანსდა, რომელთა განცხადებებიც აკმაყოფილებს ქვეპროგრამით გათვალისწინებულ მოთხოვნებს:

სწავლობენ საქართველოში უმაღლეს საგანმანათლებლო დაწესებულებებში, უმაღლესი განათლების პირველი ან მეორე საფეხურის აკრედიტებულ საგანმანათლებლო პროგრამებზე, ბოლო სემესტრის საშუალო აკადემიური მოსწრება ტოლია, ან მეტი 71%-სა და განეკუთვნება ერთ-ერთ კატეგორიას:

Ø  სტუდენტები, რომლებიც არიან მაღალმთიანი აჭარიდან;

Ø  სტუდენტები, რომლებიც არიან ობოლი დედით, მამით, ან უდედმამო;

Ø  სტუდენტები, რომლებიც არიან მრავალშვილიანი ოჯახის ოთხი და მეტი შვილით წევრები;

Ø  სტუდენტები, რომელთა ოჯახები რეგისტრირებული არიან სოციალურად დაუცველი ოჯახების მონაცემთა ერთიან ბაზაში და მათი ოჯახების სარეიტინგო ქულა ტოლი ან ნაკლებია 100 000-ზე;

Ø  სტუდენტები, რომლებიც არიან მკვეთრად/მნიშვნელოვნად/ზომიერად გამოხატული შეზღუდული შესაძლებლობის მქონე პირები;

Ø  სტუდენტები, რომლებსაც, ან რომელთა მშობლებსაც კანონმდებლობით დადგენილი წესით მინიჭებული აქვთ მარტოხელა მშობლის სტატუსი.

სულ 2021-2022 სასწავლო წლის შემოდგომის სემესტრი დაუფინანსდა 599 სტუდენტს. მათ შორის: აგვისტოს კონკურსის შედეგად გამოვლენილ 156  სტუდენტს და გასულ სემესტრში დაფინანსებულ 443 სტუდენტს, რომლებმაც გადალახეს ქვეპროგრამით დადგენილი ბარიერი.

იხილეთ გალერეა