ახალგაზრდა მეცნიერების მხარდაჭერა

31 იანვარი, 2023

საგრანტო კონკურსში მონაწილეობის უფლება აქვთ დოქტორანტებს (საქართველოს მოქალაქე), რომლებიც განაცხადის წარდგენის პერიოდში სწავლობენ აჭარის ავტონომიური რესპუბლიკის ტერიტორიაზე მოქმედ აკრედიტებულ უმაღლეს საგანმანათლებლო და სამეცნიერო-კვლევით დაწესებულებებში.

გრანტი გაიცემა შემდეგი სახის საერთაშორისო ღონისძიებებში მონაწილეობის მისაღებად:

ა) კონფერენცია, კონგრესი, ფორუმი, სიმპოზიუმი, სემინარი ხარჯების ანაზღაურების მიზნით;

ბ) საერთაშორისო რეფერირებად ჟურნალებში სამეცნიერო სტატიის გამოქვეყნების ხარჯების ანაზღაურების მიზნით.

გრანტის ოდენობა ერთ კონკურსანტზე არ უნდა აღემატებოდეს 3000 ლარს.

კონკურსანტს შეიძლება აუნაზღაურდეს შემდეგი სახის ხარჯები სამინისტროს მიერ განსაზღვრული თანხის ამოწურვამდე:

ა) საერთაშორისო მგზავრობა (მათ შორის ხელშეკრულების გაფორმებამდე გაწეული ხარჯი);

ბ) ცხოვრების ხარჯი - არაუმეტეს საქართველოს ფინანსთა მინისტრის 2005 წლის 5 აპრილის N220 „დაქირავებულისათვის გადახდილი სამივლინებო ხარჯების ნორმების განსაზღვრის შესახებ“ ბრძანებით დადგენილი ოდენობისა;

ბ.ა.) გრანტი გაიცემა სამეცნიერო ღონისძიების ჩატარების დღეების პროპორციულად და დაემატება 1 დღე ჩასვლის და 1 დღე დაბრუნების ხარჯი;

ბ.ბ.) გრანტი გაიცემა არაუმეტეს 7 ღამისა და 8 დღისა, რომელშიც შედის გამგზავრებისა და დაბრუნების დღეები;

გ) სამეცნიერო ღონისძიებაში რეგისტრაციის ხარჯი (მათ შორის ხელშეკრულების გაფორმებამდე გაწეული ხარჯი);

დ) საერთაშორისო რეფერირებად ჟურნალში სამეცნიერო სტატიის გამოქვეყნების ხარჯი.

საგრანტო კონკურსში მონაწილეობის მისაღებად კონკურსანტმა ქვემოთ ჩამოთვლილი დოკუმენტაცია უნდა ატვირთოს შემდეგ ელექტრონულ მისამართზე:

სამეცნიერო ღონისძიებებში მონაწილეობა - https://bit.ly/3wI0b8U

საერთაშორისო რეფერირებად ჟურნალში სტატიის ბეჭდვა - https://bit.ly/3kXg6Oc

ა) განცხადება მინისტრის სახელზე -  განცხადება  (ელექტრონული აპლიკაციის ნაწილია);

ბ) საგრანტო განცხადების ელექტრონული ფორმა (შეარჩიეთ ზემოთ მითითებული ლინკიდან რომელიმე) ;

გ) ავტობიოგრაფია (CV); მათ შორის, სამეცნიერო ღონისძიებებში მონაწილეობის შესახებ ინფორმაცია;

დ) პირადობის დამადასტურებელი დოკუმენტის ასლი;

ე) ცნობა სასწავლო დაწესებულებიდან, რომ კონკურსანტი არის დოქტორანტი, რომელიც განაცხადის წარდგენის პერიოდში სწავლობს აჭარის ავტონომიური რესპუბლიკის ტერიტორიაზე მოქმედ აკრედიტებულ უმაღლეს საგანმანათლებლო დაწესებულებებში;

ვ) ინფორმაცია ღონისძიების შესახებ (თემატიკა ან/და სავარაუდო სამუშაო გეგმა; ჩატარების ადგილი, თარიღი და ფორმატი; ორგანიზატორი დაწესებულება ან/და სხვ.);

ზ) ოფიციალური მოწვევის წერილი (მასპინძელი ორგანიზაციის/დაწესებულების თანხმობა) ან სამეცნიერო ღონისძიებაში რეგისტრაციის დამადასტურებელი დოკუმენტაცია ორიგინალი და ქართულ ენაზე ნათარგმნი;

თ) სამეცნიერო ღონისძიებაზე წარსადგენი მოხსენების ან საერთაშორისო რეფერირებად ჟურნალში გამოსაქვეყნებელი სამეცნიერო სტატიის თეზისი ქართულ ენაზე;

ი) საერთაშორისო რეფერირებადი ჟურნალის (გამომცემლობიდან ან რედაქციისგან) თანხმობა სამეცნიერო სტატიის გამოქვეყნების პროცედურის დაწყების თაობაზე;

კ)  სამეცნიერო ღონისძიებაში მონაწილეობა - ბიუჯეტი  (ელექტრონული აპლიკაციის ნაწილია);

ლ) საერთაშორისო რეფერირებად ჟურნალებში სამეცნიერო სტატიის გამოქვეყნება - ბიუჯეტი  (ელექტრონული აპლიკაციის ნაწილია).

იხილეთ:

დებულება 

სამეცნიერო ღონისძიებაში მონაწილე კონკურსანტთა შეფასების ფორმა 

საერთაშორისო რეფერირებად ჟურნალებში სამეცნიერო სტატიის გამოქვეყნების მიზნით მონაწილე კონკურსანტთა შეფასების ფორმა

პროგრამის ფარგლებში განაცხადების მიღება მიმდინარეობდა 2023 წლის 1 თებერვლიდან  - 15 მარტის ჩათვლით.

დამატებითი ინფორმაციისათვის დაგვიკავშირდით:

მისამართი: ქ. ბათუმი, ლ. გუდიაშვილისქუჩა №4.

ტელ:  577 27 02 35 - ნინო ნაკაშიძე

ელ-ფოსტა: umaglesiganatleba2017@gmail.com

Facebook: განათლების, კულტურისა და სპორტის სამინისტრო