სამინისტროს 2017 წლის პროგრამების პრეზენტაცია ხულოს მუნიციპალიტეტში

16 მარტი, 2017

ხულოს მუნიციპალიტეტში, აჭარის ა/რ უმაღლესი საბჭოს ჯანმრთელობის დაცვისა და სოციალურ საკითხთა კომისიის გასვლით სხდომაზე, გაიმართა აჭარის ჯანდაცვის სამინისტროს 2016 წლის პროგრამების შესრულების ანგარიში და 2017 წლის პროგრამების პრეზენტაცია. მოხსენება მინისტრმა ზაალ მიქელაძემ წარადგინა.

სხდომას ესწრებოდა აჭარის უმაღლესი საბჭოს თავმჯდომარე დავით გაბაიძე, თავმჯდომარის მოადგილე მერაბ კარანაძე, ჯანმრთელობის დაცვისა და სოციალურ საკითხთა კომისიის თავმჯდომარე ნუგზარ სურამნიძე და ამავე კომისიის წევრები. 

სამინისტროს პროგრამების პრეზენტაცია ხულოს მუნიციპალიტეტის პირველადი ჯანდაცვის ცენტრების ექიმებისათვის, რაიონული საავადმყოფოს სამედიცინო პერსონალისათვის და მუნიციპალიტეტის გამგეობის სოფლის რწმუნებულებისათვის მოეწყო.

შეხვედრის მონაწილეებს, გასავრცელებლად და სამედიცინო დაწესებულებში გამოსაქვეყნებლად, დაურიგდათ, სამინისტროს 2017 წლის პროგრამების შესახებ დამზადებული საინფორმაციო მასალები.

2017 წელს აჭარის ჯანდაცვის სამინისტროს ბიუჯეტი 14, 562, 900 ლარს შეადგენს, აქედან პროგრამული ნაწილი 11 829 990 ლარით განისაზღვრება. წელს სამინისტრო და მასზე დაქვემდებარებული უწყებები  25 პროგრამას ახორციელებ.

2017 წლის პროგრამული სიახლეები:

ü  წელს პირველად ხორციელდებამოზრდილი მოსახლეობის სამედიცინო რეაბილიტაციისპროგრამა. მიზანი: პაციენტის  ნებისმიერი ორგანული სისტემის დაავადებით ან დაზიანებით განპირობებული უუნარობის მკურნალობა (ფიზიკური მედიცინისა და რეაბილიტაციის გზით), ორგანიზმის ფუნქციური მდგომარეობის აღდგენა/გაუმჯობესება. მოსარგებლეებ: სოციალურად დაუცველი ოჯახების მონაცემთა ერთიან ბაზაში რეგისტრირებული ოჯახების წევრები, რომლებსაც მინიჭებული აქვთ  200 000-ის ჩათვლით სარეიტინგო ქულა; შეზღუდული შესაძლებლობის მქონე პირები; ომის ვეტერანები; ტერიტორიული მთლიანობისათვის ომში მონაწილეები. დაფინანსების წლიური ლიმიტი შეადგენს 5000 ლარს.

ü  მოსახლეობის ინდივიდუალური სამედიცინო დახმარებისპროგრამის ფარგლებში მოქალაქეებს, რომლთაც ესაჭიროებათ ღვიძლის ტრანსპლანტაცია გამოეყოფათ, ერთჯერადად   50 000 ლარი. წლის განმავლობაში დაფინანსდება 5 პაციენტირიგითობისა და მოცდის პრინციპის დაცვით.         

ü  ზოგიერთი სოციალური კატეგორიის მოსახლეობის სამედიცინო მომსახურების თანადაფინანსებისპროგრამას, 2017 წელს, ბენეფიციარებად დაემატება ყველა შშმ პირი.                                                                                                                                                                   

ü  ონკოლოგიურ პაციენტთა დამატებითი სამედიცინო მომსახურებისპროგრამის ბიუჯეტი პაციენტთა მაღალი მომართვიანობის გათვალისწინებით გაიზარდა 100 000 ლარით

ü  სამინისტრო დადასტურებული ონკოლოგიური დიაგნოზის მქონე პაციენტებს გეგმიური ქირურგიული ოპერაციების თანაგადახდას 30%-ით უფინანსებს.

2016 წელს აჭარის ჯანდაცვის სამინისტროს პროგრამების ფარგლებში სხვადასხვა სახის სერვისი მიეწოდა 57,069 ბენეფიციარს. აქედან, ჯანმრთელობის დაცვის პროგრამებით - 6,662- (რაც 2015 წლის მონაცემებთან შედარებით 28%-ით მეტია), სოციალური დაცვის პროგრამებით - 2,280-, საზოგადოებრივი ჯანდაცვის პროგრამებით 48,007-, დასაქმების სააგენტოს პროგრამებით გადამზადდა -120 ბენეფიციარი.

 


კალენდარი

<<
<ივნისი 2017>
>>
ორშ.სამშ.ოთხშ.ხუთშ.პარ.შაბ.კვ.
222930311234
23567891011
2412131415161718
2519202122232425
26262728293012
273456789

ცხელი ხაზი

+995 (422) 27-20-01

სოციალური ქსელები

ბმულები