მუხრან ვახტანგაძის წიგნის პრეზენტაცია გაიმართა

14 ივლისი, 2017

დღეს ცნობილი ქართველი მოჭიდავის და მსოფლიო ჩემპიონის - მუხრან ვახტანგაძისადმი მიძღვნილი ლევან ჯიოშვილის წიგნის - "მუხრან ვახტანგაძე დამოუკიდებელი საქართველოს პირველი მსოფლიო ჩემპიონი ჭიდაობაში" პრეზენტაცია გაიმართა.  ბათუმის საჯარო ბიბლიოთეკაში გამართულ წიგნის პრეზენტაციას საქართველოს პარლამენტის თავმჯდომარე ირაკლი კობახიძე აჭარის მთავრობის თავმჯდომარესთან ზურაბ პატარაძესთან ერთად დაესწრო. ხელისფულების წარმომადგენლებმა ტიტულოვან ფალავანს მიულოცეს და მომავალ საქმიანობაში წარმატებები უსურვეს. 

პრეზენტაციას აჭარის მთავრობის წარმომადგენლები, აჭარის უმაღლესი საბჭოს თავმჯდომარე, საქართველოს პარლამენტისა და აჭარის უმაღლესი საბჭოს დეპუტატები, სპორტული საზოგადოება და სპორტსმენის მეგობრები ესწრებოდნენ. 

სტუმრებმა ისაუბრეს წიგნის შესახებ, ასევე მუხრან ვახტანგაძის პიროვნების, სპორტული კარიერის და საზოგადო ცხოვრების შესახებ. ოფიციალური ღონისძიების დასრულების შემდეგ, მუხრან ვახტანგაძემ სტუმრებს საჩუქრად გადასცა წიგნები თავისი ავტოგრაფით.

წიგნი აჭარის ავტონომიური რესპუბლიკის განათლების, კულტურისა და სპორტის სამინისტროსა და აჭარის ავტონომიური რესპუბლიკის სპორტისა და ახლგაზრდობის საქმეთა დეპარტამენტის ფინანსური მხარდაჭერით გამოიცა.

კალენდარი

<<
<მაისი 2018>
>>
ორშ.სამშ.ოთხშ.ხუთშ.პარ.შაბ.კვ.
1830123456
1978910111213
2014151617181920
2121222324252627
2228293031123
2345678910

ცხელი ხაზი

+995 (422) 27-20-01

სოციალური ქსელები

ბმულები