დასრულებული ინფრასტრუქტურული პროექტები ქობულეთის მუნიციპალიტეტში

11 სექტემბერი, 2017

აჭარის განათლების, კულტურისა და სპორტის სამინისტროს მიზნობრივი პროგრამის ,,საჯარო სკოლების ინფრასტრუქტურის გაუმჯობესება“ ფარგლებში წელს ქობულეთის მუნიციპალიტეტში განხორციელდა ქობულეთის N3, სახალვაშოს, კვირიკე N1, ზედა დაგვას და ალამბრის საჯარო სკოლების სრული და ნაწილობრივი რეაბილიტაცია, ასევე, სრული რეაბილიტაცია ჩაუტარდა და კეთილმოეწყო გორგაძეების და ოჩხამურის საჯარო სკოლების სპორტული დარბაზები. სოფელ დაგვასა და კვირიკეს N1 საჯარო სკოლაში დასრულებული სარეაბილიტაციო სამუშაოები აჭარის განათლების, კულტურისა და სპორტის მინისტრის პირველმა მოადგილემ სულიკო თებიძემ და სამინისტროს სახელმწიფო შესყიდვების დეპარტამენტის უფროსმა ჯემალ სურმანიძემ დაათვალიერეს. სამინისტროს პროგრამის ,,საჯარო სკოლების ინფრასტრუქტურის გაუმჯობესება“ ფარგლებში ზედა დაგვის საჯარო სკოლას ჩაუტარდა სრული რეაბილიტაცია. პროექტის მიხედვით შეიცვალა სახურავი,კეთილმოეწყო საკლასო ოთახები, დამონტაჟდა ცენტრალური გათბობის სისტემა, მოეწყო ლითონის ღობე და ეზოში დაიგო ბეტონის ფილა. სამუშაოები შეასრულა ტენდეში გამარჯვებულმა კომპანიამ შპს „წყარო“. სამუშაოების ღირებულებამ შეადგინა 106 000 ლარი. აჭარის განათლების, კულტურისა და სპორტის სამინისტროს მიზნობრივი პროგრამის ფარგლებში განხორციელდა კვირიკეს N1 საჯარო სკოლის რეაბილიტაცია. პროექტის მიხედვით განხორციელდა შენობის სრული რეაბილიტაცია. გათვალისწინებული იქნა სახანძრო სიგნალიზაციისა და ცენტრალური გათბობის მოწყობის სამუშაოები. შეზღუდული შესაძლებლობის პირთათვის მოეწყო პანდუსი, ეზოში დაიგო ბეტონის ფილა.

კალენდარი

<<
<სექტემბერი 2017>
>>
ორშ.სამშ.ოთხშ.ხუთშ.პარ.შაბ.კვ.
3528293031123
3645678910
3711121314151617
3818192021222324
392526272829301
402345678

ცხელი ხაზი

+995 (422) 27-20-01

სოციალური ქსელები

ბმულები