რისკების მართვასთან დაკავშირებით საინფორმაციო შეხვედრა გაიმართა

04 დეკემბერი, 2017

ქედის, შუახევისა და ხულოს მუნიციპალიტეტების საჯარო სკოლის დირექტორებისთვის და საბავშვო ბაღების წარმომადგენლებისთვის უსაფრთხოების თემის ირგვლივ საინფორმაციო შეხვედრა გაიმართა. შეხვედრის ფასილიტატორები იყვნენ აჭარის განათლების, კულტურისა და სპორტის სამინისტრო, საგანგებო სიტუაციების მართვის აჭარის სამმართველო და მუნიციპალიტეტების წარმომადგენლები.მუნიციპალიტეტებში გამართულ შეხვედრებს ბათუმის საკრებულოს თავმჯდომარე,მთავრობის საკორდინაციო საბჭოს წევრი  სულიკო თებიძე ესწრებოდა.

ინგა შამილიშვილმა საგანმანათლებლო დაწესებულებების ხელმძღვანელებისაგან, შესაძლო რისკების და საფრთხეების შესახებ ინფორმაცია დეტალურად მოისმინა და ქმედითი ჯგუფის შექმნის აუცილებლობაზე ისაუბრა. შეხვედრის მიზანს რეგიონების საჯარო სკოლებში არსებული მდგომარეობის შეფასება, სამომავლოდ გასატარებელი ღონისძიებების დაგეგმვა და უსაფრთხოების მიმართულებით მდგომარეობის გააუმჯობესება წარმოადგენდა.

ინგა შამილიშვილმა დამსწრეებს მიაწოდა ინფორმაცია მთავრობის ახალი ინიციატივის - საკოორდინაციო საბჭოს შექმნის შესახებ. საკოორდინაციო საბჭოს აჭარის მთავრობის თავმჯდომარე ზურაბ პატარაძე უხელმძღვანელებს, რაც რეგიონებში კრიზისების მართვას უფრო მოქნილს და ეფექტურს გახდის. შეხვედრაზე განსაკუთრებული ყურადღება უსაფრთხოების კუთხით ადამიანური რესურსების გაძლიერებასა და ცნობიერების ამაღლებაზე გამახვილდა, რა მიმართულებითაც უნდა გატარდეს სპეციალური ღონისძიებები, ჩატარდეს ტრენინგები, რომელშიც აქტიურად ჩაერთვება ბათუმის მასწავლებელთა სახლი.


კალენდარი

<<
<ოქტომბერი 2018>
>>
ორშ.სამშ.ოთხშ.ხუთშ.პარ.შაბ.კვ.
401234567
41891011121314
4215161718192021
4322232425262728
442930311234
45567891011

ცხელი ხაზი

+995 (422) 27-20-01

სოციალური ქსელები

ბმულები