ტრენინგები ლოტბარებისთვის და ქორეოგრაფებისთვის

09 მარტი, 2018

აჭარის განათლების, კულტურისა და სპორტის სამინისტროს ინიცირებითა და დაფინანსებით ლოტბარებისთვის და ქორეოგრაფებისთვის ტრენინგები მიმდინარეობს. მასტერკლასების მიზანია ქართული ხალხური ცეკვისა და სიმღერის საშემსრულებლო ხელოვნების დახვეწა-გამდიდრება, თეორიული და პრაქტიკული ცოდნა-გამოცდილების ამაღლება, ავთენტური ტრადიციების დაცვა. ტრენინგებში მონაწილეობენ ასევე, სკოლის გარეშე სახელოვნებო დაწესებულებების მასწავლებლები. ტრენინგები ლოტბარებისათვის და ქორეოგრაფებისთვის 14 მარტის ჩათვლით მუნიციპალიტეტებში მიმდინარეობს. ქობულეთის მუნიციპალიტეტში ტრენინგის მიმდინარეობას აჭარის განათლების, კულტურისა და სპორტის მინისტრის მოადგილე თეონა ბერიძე დაესწრო. ქობულეთში ტრენინგში მონაწილე 11 ქორეოგრაფს და 11 ლოტბარს სერტიფიკატები გადაეცა. წარმატებულად დასრულდა ასევე ტრენინგები ხელვაჩაურის მუნიციპალიტეტში, სადაც სერტიფიკატები გადაეცა 11 ქორეოგრაფსა და 9 ლოტბარს. დღეს ტრენინგები ქედის მუნიციპალიტეტში მიმდინარეობს. ტრენერები: ნანა ვალიშვილი - ეთნომუსიკოლოგი, მომღერალი, ლოტბარი, ფოლკლორის სახელმწიფო ცენტრის მუსიკალური ხელოვნების მიმართულების ხელმძღვანელი, ექსპერტი სამუსიკო ფოლკლორის დარგში; ღირსების ორდენის კავალერი; ნინო (ნუნუკა) შველიძე - ეთნომუსიკოლოგი, მომღერალი, პედაგოგი, ექსპერტი სამუსიკო ფოლკლორის დარგში; უჩა დვალიშვილი - ქორეოლოგი, ქორეოგრაფი, ხელოვნებათმცოდნეობის დოქტორი, პროფესორი, ექსპერტი ქორეოგრაფიაში, საქართველოს შოთა რუსთაველის სახელობის თეატრისა და კინოს სახელმწიფო უნივერსიტეტის ქორეოგრაფიული მიმართულების ლიდერი, საქართველოს ფოლკლორის სახელმწიფო ცენტრის ქორეოგრაფიული მიმართულების ხელმძღვანელი; ფოლკლორის ეროვნული პრემიის ლაურეატი, ღირსების ორდენის კავალერი, საერთაშორისო კონკურსებისა და ფესტივალების მრავალგზის ლაურეატი, „ქართული ცეკვის რაინდი“; გიორგი ჩაჩავა - საქართველოს დამსახურებული არტისტი, ღირსების ორდენის კავალერი, საქართველოს ქორეოგრაფიის მოღვაწეთა შემოქმედებითი კავშირის საბჭოს საპატიო წევრი, მელიტონ კუხიანიძის სახელობის აჭარის სიმღერისა და ცეკვის სახელმწიფო ანსამბლის სამხატვრო ხელმძღვანელი, ბათუმის საპატიო მოქალაქე.

კალენდარი

<<
<დეკემბერი 2018>
>>
ორშ.სამშ.ოთხშ.ხუთშ.პარ.შაბ.კვ.
48262728293012
493456789
5010111213141516
5117181920212223
5224252627282930
0131123456

ცხელი ხაზი

+995 (422) 27-20-01

სოციალური ქსელები

ბმულები