ბათუმში აზერბაიჯანის რესპუბლიკის 100 წლის იუბილე აღინიშნა

15 მაისი, 2018

აჭარის მთავრობის თავმჯდომარემ ზურაბ პატარაძემ აზერბაიჯანელებს ეროვნული დღესასწაული, რესპუბლიკის 100 წლისთავი და ჰეიდარ ალიევის 95 წლის იუბილე მიულოცა. 

სასტუმრო ჰილტონში გამართულ საიუბილეო ღონისძიებას ქალაქ ბათუმის მერი, აჭარის უმაღლესი საბჭოს თავმჯდომარე,  საკანონმდებლო და აღმასრულებელი ხელისუფლების წარმომადგენლები  ადგილობრივ დიასპორასთან და აზერბაიჯანიდან საგანგებოდ ჩამოსულ სტუმრებთან ერთად ესწრებოდნენ. 

აჭარაში მეზობელი სახელმწიფოს წარმომადგენლები ეროვნულ დღესასწაულს ყოველწლიურად აღნიშნავენ. საზეიმო მიღებას აზერბაიჯანის გენერალურმა კონსულმა ბათუმში ფარვიზ ისმაილზადემ უმასპინძლა. 

ზურაბ პატარაძემ შეკრებილ საზოგადოებას სიტყვით მიმართა და აზერბაიჯანელებს ეროვნული დღესასწაული მიულოცა. როგორც ზურაბ პატარაძემ აღნიშნა, პირველი დამოუკიდებლობა საქართველომ და აზერბაიჯანმა თითქმის ერთდროულად მოიპოვეს და ბევრი იბრძოლეს დამოუკიდებელი და წარმატებული სახელმწიფოს შექმნისთვის. „წელს ჩვენ ერთად ვზეიმობთ 1918 წელს ჩვენი ქვეყნების დემოკრატიულ რესპუბლიკად გამოცხადების 100 წლის იუბილეს. საქართველო და აზერბაიჯანი  ისტორიულად კეთილი, მეგობრული ურთიერთობით გამოირჩევა. ორი ქვეყნის ხალხებსა და ხელისუფლებებს შორის მეგობრულმა ურთიერთობებმა განაპირობა საქართველოსა და აზერბაიჯანს შორის კეთილმეზობლური და სტრატეგიული პარტნიორის ჩამოყალიბება რეგიონულ დონეზეც, რასაც ადასტურებს მჭიდრო  და წარმატებული თანამშრომლობა სავაჭრო-ეკონომიკური, ტურიზმის, კულტურის და სხვა სფეროებში“-აღნიშნა ზურაბ პატარაძემ.

საიუბილეო ღონისძიებაზე წარმოდგენილი იყო ორი მეგობარი სახელმწიფოს ურთიერთობის ამსახველი დოკუმენტური ფილმი, ასევე აზერბაიჯანული და ქართული ფოლკლორული ნიმუშები. აზერბაიჯანის რესპუბლიკის 100 წლის იუბილეზე რამდენიმე სიმღერით და ცეკვით წარსდგა ანსამბლი „ბათუმი“ და ანსამბლი „ხორუმი“.


კალენდარი

<<
<ივნისი 2018>
>>
ორშ.სამშ.ოთხშ.ხუთშ.პარ.შაბ.კვ.
2228293031123
2345678910
2411121314151617
2518192021222324
262526272829301
272345678

ცხელი ხაზი

+995 (422) 27-20-01

სოციალური ქსელები

ბმულები