საქართველოს დელეგაცია ყაზახეთის პრემიერ-მინისტრს შეხვდა

16 მაისი, 2018

აჭარის ავტონომიური რესპუბლიკის მთავრობის თავმჯდომარე ზურაბ პატარაძე ყაზახეთში საქართველოს დელეგაციის ვიზიტის ფარგლებში, საქართველოს ვიცე-პრემიერთან, საქართველოს საგარეო საქმეთა მინისტრთან მიხეილ ჯანელიძესთან ერთად ყაზახეთის რესპუბლიკის პრემიერ-მინისტრს ბაჰიტჟან საგინტაევს შეხვდა.

შეხვედრას ქართული მხრიდან ასევე ესწრებოდნენ საქართველოს საპარტნიორო ფონდის ხელმძღვანელი დავით საგანელიძე და ყაზახეთის რესპუბლიკაში საქართველოს საგანგებო და სრულუფლებიანი ელჩი ზურაბ აბაშიძე. ყაზახეთის მხრიდან კი შეხვედრას ესწრებოდნენ ენერგეტიკის მინისტრი კანატ ბოზუმბაევი და ინვესტიციებისა და განვითარების მინისტრი ჟენის კასიმბეკი.

შეხვედრაზე ხაზი გაესვა საქართველოსა და ყაზახეთის წარმატებულ თანამშრომლობას მრავალი მიმართულებით. ასევე სავაჭრო-ეკონომიკურ, ტურიზმის და სატრანსპორტო სფეროში წარმატებულ თანამშრომლობას. განსაკუთრებული ყურადღება დაეთმო საერთაშორისო სატრანზიტო პროექტებში ორი ქვეყნის ჩართულობას, ამ მხრივ აღინიშნა აბრეშუმის გზის მარშრუტის განვითარების პროცესში საქართველოსა და ყაზახეთის აქტიური მონაწილეობა, სარკინიგზო სატრანზიტო პროექტების მიმართ ასტანას მზარდ დაინტერესებას.

შეხვედრაზე მხარეებმა გამოთქვეს მზადყოფნა ხელი შეუწყონ ორმხრივი საინვესტიციო პროექტების განვითარებას და ორი ქვეყნის ბიზნეს წრეებისთვის ერთის მხრივ საქართველოს ბიზნეს და საინვესტიციო და მეორეს მხრივ ყაზახეთის ეკონომიკური შესაძლებლობებით დაინტერესებას. აღინიშნა საქართველოში წარმატებული საინვესტიციო პროექტები ყაზახეთის მხრიდან.

შეხვედრაზე ხაზი გაესვა სამთავრობო და საკანონმდებლო ორგანოების დონეზე წარმატებულ თანამშრომლობას და მაღალი დონის შეხვედრების მზარდ დინამიკას. კმაყოფილებით აღინიშნა წარმატებული ხალხთაშორისი კონტაქტები და გამოითქვა მზადყოფნა როგორც ცენტრალური ხელისუფლების, ასევე აჭარის ავტონომიური რესპუბლიკის დონეზე ტურიზმის სფეროში თანამშრომლობის შემდგომი გაღრმავების ხელშეწყობის მხრივ.


კალენდარი

<<
<აგვისტო 2018>
>>
ორშ.სამშ.ოთხშ.ხუთშ.პარ.შაბ.კვ.
31303112345
326789101112
3313141516171819
3420212223242526
35272829303112
363456789

ცხელი ხაზი

+995 (422) 27-20-01

სოციალური ქსელები

ბმულები